26.7 C
Kottayam
Saturday, August 20, 2022

കാമുകിയുമായി ലൈംഗിക ബന്ധത്തിലേർപ്പെടുന്നതിനിടെ യുവാവ് മരിച്ചു; വിശദീകരണവുമായി ഡോക്ടർമാർ, കേസെടുത്ത് പോലീസ്

Must read

നാഗ്പൂർ: കാമുകിയുമായി ശാരീരിക ബന്ധത്തിലേർപ്പെടുന്നതിനിടെ യുവാവ് ദുരൂഹ സാഹചര്യത്തിൽ മരിച്ചു. മഹാരാഷ്ട്രയിലെ നാഗ്പൂരിലാണ് സംഭവം. അജയ് പർതേകി (28) എന്ന യുവാവാണ് മരിച്ചത്. ഹൃദയാഘാതം മൂലമാണ് യുവാവ് മരിച്ചതെന്നാണ് പ്രാഥമിക നിഗമനം. യുവാവ് ഏതെങ്കിലും മയക്ക് മരുന്നുകൾ കഴിച്ചതിന്റെ തെളിവുകളില്ലെന്ന് പോലീസ് വ്യക്തമാക്കി.

നാഗ്പൂർ സാവോനറിലെ ഒരു ലോഡ്ജിൽ വെച്ചാണ് യുവാവിൻ്റെ മരണം സംഭവിച്ചത്. ഡ്രൈവറും വെൽഡിങ് ടെക്നീഷ്യനുമായി ജോലി ചെയ്യുന്ന അജയ് നഴ്സായ 23വയസുകാരിയുമായി മൂന്ന് വർഷമായി പ്രണയത്തിലായിരുന്നു. ഫേസ്ബുക്കിലൂടെ പരിചയപ്പെട്ട് പ്രണയത്തിലായ ഇവരുടെ ബന്ധം ഇരു വീട്ടുകാർക്കും അറിയാമയിരുന്നു.

ഞായറാഴ്ച വൈകിട്ട് നാല് മണിയോടെയാണ് യുവതിക്കൊപ്പം യുവാവ് ലോഡ്ജിൽ മുറിയെടുത്തത്. അരമണിക്കൂറിനിടെ യുവാവിന് ബോധം നഷ്ടമായി. യുവാവ് അവശനിലയിലായതോടെ യുവതി ലോഡ്ജ് ജീവനക്കാരെ വിവരമറിയിച്ചു. ജീവനക്കാർ യുവാവിനെ ആശുപത്രിയിലെത്തിച്ചെങ്കിലും മരണം സംഭവിച്ചു.

ലൈംഗികബന്ധത്തിനിടെയാണ് യുവാവ് കുഴഞ്ഞു വീണതെന്ന് യുവതി വ്യക്തമാക്കിയതായി സാവോനർ പോലീസ് ഇൻസ്പെക്ടർ സതീഷ് പാട്ടീൽ പറഞ്ഞു. “യുവാവ് മരുന്നുകൾ കഴിച്ചതിൻ്റെ തെളിവുകൾ കണ്ടെത്തിയിട്ടില്ല. മയക്കുമരുന്നുകളും കൈവശമുണ്ടായിരുന്നില്ല. തൻ്റെ സാന്നിധ്യത്തിൽ യുവാവ് ഒന്നും കഴിച്ചിരുന്നില്ലെന്ന് യുവതി വ്യക്തമാക്കിയിട്ടുണ്ട്. പോസ്റ്റ് മോർട്ടം റിപ്പോർട്ട് ലഭിച്ച ശേഷം കൂടുതൽ വിവരങ്ങൾ വ്യക്തമാക്കാൻ കഴിയൂ” – എന്ന് അദ്ദേഹം പറഞ്ഞു.

ഹൃദയാഘാതമാണ് യുവാവിൻ്റെ മരണകാരണമെന്ന് ഡോക്ടർമാർ പ്രതികരിച്ചു. സംഭവത്തിൽ അസ്വാഭാവിക മരണത്തിന് സാവോനർ പോലീസ് കേസ് രജിസ്റ്റർ ചെയ്തു. വിവാഹം കഴിക്കാനിരിക്കെയാണ് യുവാവിൻ്റെ മരണം സംഭവിച്ചത്. സെക്‌സിനിടെ ഹൃദയസ്തംഭനം മൂലം മരിക്കുന്നത് അപൂർവമാണെന്നും എന്നാൽ ഇത്തരം സംഭവങ്ങൾക്ക് സാധ്യതയുണ്ടെന്ന് പ്രശസ്ത കാർഡിയോളജിസ്റ്റ് ഡോ ആനന്ദ് സഞ്ചേതി വ്യക്തമാക്കിയതായി ടൈംസ് ഓഫ് ഇന്ത്യ റിപ്പോർട്ട് ചെയ്തു.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Telegram Group | Google News

More articles

Popular this week