യുവതിയെ 40കാരൻ കുത്തിക്കൊന്നു

കുമളി:മകനെ ഉപദ്രവിക്കുന്നതുച്ചൊല്ലിയുള്ള തർക്കത്തിനൊടുവിൽ യുവതിയെ 40 കാരൻ കുത്തിക്കൊലപ്പെടുത്തി. കുമളി താമരക്കണ്ടത്തു വാടകയ്ക്ക് താമസിക്കുന്ന ഉമാ മഹേശ്വരി (റെസിയ – 36) ആണ് മരിച്ചിരിക്കുന്നത്. യുവതിയെ കൊലപ്പെടുത്തിയ വാഗമൺ കോട്ടമല രണ്ടാം ഡിവിഷൻ മണികണ്ഠൻ ഭവനിൽ ഈശ്വരനെ (40) പൊലീസ് കസ്റ്റഡിയിലെടുത്തു. ഇരുവരും ആദ്യ ബന്ധം ഉപേക്ഷിച്ച് തനിച്ച് താമസിക്കുകയായിരുന്നു. 8 മാസം മുൻപാണ് ഉമയും ഈശ്വരനുമൊന്നിച്ചു താമസം ആരംഭിച്ചത്. മകനെ ഇയാൾ ഉപദ്രവിച്ചുവെന്ന് ആരോപിച്ചു ഉമ ചൈൽഡ് ലൈനിൽ പരാതി നൽകിയിരുന്നു. ഇതിനെ തുടർന്നുള്ള തർക്കത്തിനിടെയായിരുന്നു കൊലപാതകം നടന്നത്.