തിരുവനന്തപുരം: ഉപയോക്താക്കൾ ഏറെ നാളായി കാത്തിരുന്ന സുപ്രധാന സ്വകാര്യതാ ഫീച്ചർ അവതരിപ്പിക്കാൻ ഒരുങ്ങി വാട്സ്ആപ്പ്. ഇനി മുതൽ സ്വന്തം ഫോൺ നമ്പർ പങ്കുവയ്ക്കാതെ തന്നെ മറ്റുള്ളവരുമായി ചാറ്റ് ചെയ്യാൻ കഴിയുന്ന “യൂസർനെയിം” (Username) സംവിധാനമാണ് വാട്സ്ആപ്പിൽ എത്തുന്നത്. ടെലഗ്രാം, ഇൻസ്റ്റഗ്രാം പോലുള്ള സോഷ്യൽ മീഡിയ പ്ലാറ്റ്ഫോമുകൾക്ക് സമാനമായ രീതിയിലാണ് ഈ ഫീച്ചർ പ്രവർത്തിക്കുക. ഇതോടെ മൊബൈൽ നമ്പറിന് പകരം ഒരു പ്രത്യേക യൂസർനെയിം മാത്രം നൽകി ഉപയോക്താക്കൾക്ക് സന്ദേശങ്ങൾ അയയ്ക്കാനും സ്വീകരിക്കാനും കഴിയും.
നിലവിൽ വാട്സ്ആപ്പിൽ മറ്റൊരാളുമായി ബന്ധപ്പെടാൻ ഫോൺ നമ്പർ നിർബന്ധമാണ്. ഇത് പലപ്പോഴും അപരിചിതർക്കും വ്യക്തിപരമായ നമ്പർ നൽകേണ്ടി വരുന്ന സാഹചര്യമുണ്ടാക്കാറുണ്ട്. എന്നാൽ പുതിയ അപ്ഡേറ്റോടെ ഈ പ്രശ്നത്തിന് പരിഹാരമാകും. യൂസർനെയിം വഴി ഒരാളെ കണ്ടെത്തി ചാറ്റ് ചെയ്യുമ്പോൾ ആ വ്യക്തിയുടെ മൊബൈൽ നമ്പർ മറ്റുള്ളവർക്ക് കാണാൻ സാധിക്കില്ല; പകരം യൂസർനെയിം മാത്രമേ ദൃശ്യമാകൂ.
വാട്സ്ആപ്പ് യൂസർനെയിം സംവിധാനം നിർബന്ധിതമല്ലെന്നതാണ് മറ്റൊരു പ്രത്യേകത. നിലവിലുള്ള രീതിയിൽ ഫോൺ നമ്പർ ഉപയോഗിച്ച് തന്നെ അക്കൗണ്ട് തുടരാൻ ആഗ്രഹിക്കുന്നവർക്ക് അതിന് തടസമുണ്ടാകില്ല. ആവശ്യമുള്ളവർക്ക് മാത്രം യൂസർനെയിം സജ്ജമാക്കിയാൽ മതിയാകും. ബിസിനസ് ആവശ്യങ്ങൾക്കായി അന്യരുമായി ഇടപഴകുന്നവർക്കും സ്വകാര്യത ആഗ്രഹിക്കുന്നവർക്കും പുതിയ സംവിധാനം ഏറെ സഹായകരമാകും.
യൂസർനെയിം എങ്ങനെ സജ്ജമാക്കാം?
പേര് തിരഞ്ഞെടുക്കുമ്പോൾ ശ്രദ്ധിക്കേണ്ട നിയമങ്ങൾ:
യൂസർനെയിം സംവിധാനം വന്നാലും അക്കൗണ്ടിലേക്ക് ലോഗിൻ ചെയ്യുന്നതിനും അക്കൗണ്ട് റിക്കവറി ആവശ്യങ്ങൾക്കുമായി ഫോൺ നമ്പർ തുടർന്നും ബന്ധിപ്പിച്ചിരിക്കണം. എന്നാൽ യൂസർനെയിം വഴി നിങ്ങളെ കോൺടാക്റ്റ് ചെയ്യുന്നവർക്ക് ഈ നമ്പർ കാണാൻ കഴിയില്ല. ഓൺലൈൻ കച്ചവടക്കാർ, കമ്മ്യൂണിറ്റി ഗ്രൂപ്പുകളിലെ അംഗങ്ങൾ എന്നിവർക്കെല്ലാം ഫോൺ നമ്പർ നൽകാതെ സുരക്ഷിതമായി ആശയവിനിമയം നടത്താൻ പുതിയ ഫീച്ചറിലൂടെ സാധിക്കും.
ഇത് അനാവശ്യ കോളുകളും സ്പാം സന്ദേശങ്ങളും ഒരുപരിധി വരെ കുറയ്ക്കാൻ സഹായിക്കും. ചില ആൻഡ്രോയ്ഡ്, ഐഒഎസ് ഉപയോക്താക്കൾക്കായി വാട്സ്ആപ്പ് ഈ ഫീച്ചർ നിലവിൽ പരീക്ഷണാടിസ്ഥാനത്തിൽ പുറത്തിറക്കിയിട്ടുണ്ട്. 2026-ൽ ഇത് എല്ലാ ഉപയോക്താക്കൾക്കുമായി ലഭ്യമാകുമെന്നാണ് റിപ്പോർട്ടുകൾ വ്യക്തമാക്കുന്നത്.