ഇടുക്കി: വീട്ടിലെ മാലിന്യം റോഡില്‍ തള്ളിയവര്‍ക്ക് ശിക്ഷയുമായി വണ്ടന്‍മേട് പഞ്ചായത്ത്. പൊതുസ്ഥലത്ത് മാലിന്യം തള്ളിയവരെ കണ്ടെത്തി അത് തിരികെ വാരിച്ചാണ് പഞ്ചായത്ത് അധികൃതര്‍ നടപടിയെടുത്തത്. ഇവരില്‍ നിന്ന് പിഴയും ഈടാക്കി.
ബിനു മറ്റപ്പള്ളി, ജെയ്സണ്‍ എന്നിവര്‍ക്കെതിരെയാണ് അധികൃതര്‍ നടപടിയെടുത്തത്. ബിനുവിന്റെ പക്കല്‍നിന്ന് 20,000 രൂപയും ജെയ്‌സണില്‍നിന്ന് 10,000 രൂപയും പിഴ ഈടാക്കി.
മാലിന്യം തള്ളുന്നവരെക്കുറിച്ച് വിവരം നല്‍കുന്നവര്‍ക്ക് 5000 രൂപ പാരിതോഷികവും പഞ്ചായത്ത് പ്രഖ്യാപിച്ചിട്ടുണ്ട്. കഴിഞ്ഞ ദിവസം 50,000 രൂപയോളം പിഴയീടാക്കിയിരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
