ന്യൂഡല്ഹി: 18 വയസിന് മുകളില് ഉള്ളവരുടെ വാക്സിന് രജിസ്ട്രേഷന് ആരംഭിച്ചു. 45 വയസ് വരെയുള്ളവര്ക്കാണ് രജിസ്ട്രേഷന്. കൊവിന് വെബ്സൈറ്റ്, ആരോഗ്യസേതു ആപ്പ് എന്നിവ വഴിയാണ് രജിസ്ട്രേഷന്. എന്നാല് ആദ്യ ഘട്ടത്തില് പലയിടത്തും രജിസ്ട്രേഷന് നടക്കുന്നില്ലായിരുന്നു. കോവിന് വെബ്സൈറ്റ് വഴിയുള്ള രജിസ്ട്രേഷന് പലയിടത്തും മുടങ്ങിയിരുന്നു. പിന്നീട് തകരാര് പരിഹരിച്ചു. ഇപ്പോള് രജിസ്ട്രേഷന് സാധ്യമാണ്.
എവിടെ രജിസ്റ്റര് ചെയ്യണം?
കൊവിഡ് വാക്സിന് വേണ്ടി രജിസ്റ്റര് ചെയ്യേണ്ടത് selfregistration.cowin.gov.in എന്ന വെബ്സൈറ്റിലാണ്.
രജിസ്റ്റര് ചെയ്യേണ്ടതെങ്ങനെ?
selfregistration.cowin.gov.in എന്ന ലിങ്കില് ക്ലിക്ക് ചെയ്ത് വെബ്സൈറ്റില് പ്രവേശിക്കുക.
-തുടര്ന്ന് മൊബൈല് നമ്പര് നല്കി ‘ഗെറ്റ് ഒടിപി’ എന്ന ടാബില് ക്ലിക്ക് ചെയ്യുക
-നിങ്ങള് നല്കിയ മൊബൈല് നമ്പറില് ലഭിച്ച ഒടിപി നമ്പര് രേഖപ്പെടുത്തി ‘വേരിഫൈ’ എന്ന ഓപ്ഷനില് ക്ലിക്ക് ചെയ്യാം.
-തുടര്ന്ന് നിങ്ങളഉടെ ഏതെങ്കിലുമൊരു തിരിച്ചറിയല് കാര്ഡിന്റെ വിവരം രേഖപ്പെടുത്തുക.
-ലിംഗം, ജനിച്ച വര്ഷം, എന്നിവ നല്കണം.
-‘ആഡ് മോര് ഓപ്ഷന്’ നല്കി ഒരു മൊബൈല് നമ്പറില് നിന്ന് നാല് പേര്ക്ക് രജിസ്റ്റര് ചെയ്യാം.
-വാക്സിനേഷന് ഷെഡ്യൂള് ചെയ്യാനായി പേരിന് നേരെയുള്ള ‘ഷെഡ്യൂള്’ എന്ന ഓപ്ഷന് ക്ലിക്ക് ചെയ്യുക.
-‘ഷെഡ്യൂള് നൗ’ എന്ന ഓപ്ഷനില് ക്ലിക്ക് ചെയ്യണം.
-അതില് താമസ സ്ഥലത്തിന്റെ പിന്കോഡ് നല്കുകയോ, ജില്ല തെരഞ്ഞെടുക്കുകയോ ചെയ്യുമ്പോള് വാക്സിനേഷന് സെന്ററുകളുടെ വിവരം ലഭ്യമാകും.
-തുടര്ന്ന് തിയതിയും സമയവും നല്കി വാക്സിനേഷന് രജിസ്ട്രേഷന് പൂര്ത്തിയാക്കാം.
വാക്സിനേഷന് സെന്ററില് അപ്പോയിന്മെന്റ് സ്ലിപ്പിന്റെ പ്രിന്റ് ഔട്ട് കാണിക്കുകയോ, മൊബൈലില് വന്ന മെസേജ് ഹാജരാക്കുകയോ ചെയ്യണം.