പാലക്കാട്: കാളവണ്ടിയില് റോഡ് ഷോ നടത്തി യു.ഡി.എഫ് സ്ഥാനാര്ത്ഥി എസ്.കെ അനന്തകൃഷ്ണന്. പാലക്കാട് താണാവ് മുതല് മുണ്ടൂര് വരെയാണ് കര്ഷകന് കൂടിയായ അനന്തകൃഷ്ണന്റെ റോഡ് ഷോ.
വേയിലൂടെ പതിനഞ്ചോളം കാളവണ്ടികളിലാണ് എസ്.കെ അനന്തകൃഷ്ണന്റെ റോഡ് ഷോ. ‘വളരെ ആവേശത്തോടെയുള്ള പ്രവര്ത്തനമായിരുന്നു മലമ്പുഴ നിയോജക മണ്ഡലത്തില്. മലമ്പുഴയില് യുഡിഎഫ് വിജയിക്കും’- അനന്തകൃഷ്ണന് പറഞ്ഞു. മണ്ഡലത്തില് ബിജെപി മൂന്നാം സ്ഥാനത്തേക്ക് പിന്തള്ളപ്പെടുമെന്നും അനന്തകൃഷ്ണന് പറഞ്ഞു.
വിവിധ ജില്ലകളില് സ്ഥാനാര്ത്ഥികള് റോഡ്ഷോകള് നടത്തുകയാണ്. പരസ്യപ്രചാരണം അവസാനിക്കാന് മണിക്കൂറുകള് മാത്രം ബാക്കി നില്ക്കെ അണികള്ക്ക് ആവേശം പകര്ന്നുകൊണ്ടാണ് നേതാക്കള് റോഡ് ഷോ സംഘടിപ്പിച്ചിരിക്കുന്നത്.
ധര്മടം മണ്ഡലത്തില് മുഖ്യമന്ത്രി പിണറായി വിജയന്റെ റോഡ് ഷോ പുരോഗമിക്കുകയാണ്. നിരവധി ചലച്ചിത്ര താരങ്ങളും റോഡ് ഷോയില് പങ്കെടുക്കുന്നുണ്ട്. ഹരിശ്രീ അശോകനും, ഇന്ദ്രന്സും അടക്കമുള്ള താരങ്ങളാണ് റോഡ് ഷോയില് പങ്കാളികളായിരിക്കുന്നത്.
പെരളശേരി ക്ഷേത്രം മുതല് മൂന്നാംപാലം വരെയാണ് ആദ്യ ഘട്ടത്തില് റോഡ്ഷോ. ഇത്തരത്തില് എട്ട് കേന്ദ്രങ്ങളിലായാണ് റോഡ്ഷോ ക്രമീകരിച്ചിരിക്കുന്നത്. മൂന്ന് മണിക്കൂര് നീണ്ട് നില്ക്കുന്ന റോഡ് ഷോ വൈകീട്ട് 6.30ന് മുഖ്യമന്ത്രിയുടെ സ്വദേശമായ പിണറായിയില് സമാപിക്കും. തുറന്ന ജീപ്പിലാണ് മുഖ്യമന്ത്രി സഞ്ചരിക്കുന്നത്. മുഖ്യമന്ത്രിക്കൊപ്പം മുതിര്ന്ന നേതാക്കളും പങ്കെടുക്കുന്നുണ്ട്.