ആലപ്പുഴ: മാരക മയക്കുമരുന്നുകളുമായി രണ്ടുയുവാക്കളെ പുന്നപ്ര പോലീസ് അറസ്റ്റുചെയ്തു. പുന്നപ്ര തെക്കു പഞ്ചായത്ത് നാലാം വാര്ഡില് രോഹിണി നിവാസില് വിഷ്ണു (24), പുന്നപ്ര വടക്കു പഞ്ചായത്ത് പതിനാറാം വാര്ഡ് പറവൂര് വലിയ പറമ്പുകോളനിയില് കൂനംപുരയ്ക്കല് മിഥുന് (22) എന്നിവരെയാണ് പുന്നപ്ര എസ്എച്ച്ഒ പി.വി. പ്രസാദിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്.
പുന്നപ്ര സിന്ദൂര റോഡില് അഞ്ചില് ക്ഷേത്രത്തിനു സമീപത്തെ ഒഴിഞ്ഞ കെട്ടിടത്തില് നിന്നുമാണ് ഇവരെ പിടികൂടിയത്. സംശയാസ്പദ രീതിയില് രണ്ടുയുവാക്കള് ഈ വീട്ടിലുള്ളതായി പ്രദേശവാസികള് പോലീസിനെ അറിയിക്കുകയും തുടര്ന്ന് ഇവിടെ എത്തിയ പോലീസ് സംഘം ഇവരെ വിശദമായി ചോദ്യം ചെയ്തപ്പോള് ഇവര് കഞ്ചാവു കേസിലെ പ്രതികളാണെന്ന് പോലീസിന് വ്യക്തമാകുകയായിരുന്നു.
തുടര്ന്നുള്ള ദേഹപരിശോധനയില് ഇവരില് നിന്നു മാരകശേഷിയുള്ള നൈട്രോസെപാം എന്ന മയക്കുഗുളികകള് കണ്ടെത്തുകയായിരുന്നു. പോലീസ് വിവരം ആലപ്പുഴ എക്സൈസിനു കൈമാറുകയും സംഭവസ്ഥലത്തെത്തിയ എക്സൈസ് സിഐ പി. വിനയകുമാറിന്റെ സാന്നിദ്ധ്യത്തില് ഇവരുടെ അറസ്റ്റു രേഖപ്പെടുത്തുകയായിരുന്നു. ഇവര് നിരവധി തവണ കഞ്ചാവു വില്പന കേസില് എക്സൈസിന്റെ പിടിയിലായിട്ടുണ്ടെന്നും പുന്നപ്ര പോലീസ് പറഞ്ഞു.