തിരുവനന്തപുരം: വൃക്ക രോഗിയായ ഭർത്താവിന് വൃക്ക ദാനം ചെയ്തിന് ശേഷം വീട്ടിൽ വിശ്രമത്തിലായിരുന്ന യുവതിയെ പീഡിപ്പിക്കാൻ ശ്രമിച്ച അയൽവാസി പൊലീസ് പിടിയിൽ. പൂന്തുറ സ്വദേശി സുഗുണനെയാണ് അറസ്റ്റ് ചെയ്തത്. പൂന്തുറ പൊലീസ് ആണ് പ്രതിയെ അറസ്റ്റ് ചെയ്തത്.
യുവതിയുടെ ഭർത്താവ് ഇരു വൃക്കകളും തകരാറിലായി ചികിത്സയിൽ ആയിരുന്നു. അഞ്ച് മാസം മുമ്പാണ് ഇവർ ഭർത്താവിന് സ്വന്തം വൃക്ക ദാനം ചെയ്തത്. സംഭവ ദിവസം തുടർപരിശോധനയ്ക്കായി മകനുമൊപ്പം ഭർത്താവ് ആശുപത്രിയിൽ പോയ സമയത്താണ് അയൽവാസിയായ സുഗുണൻ വീട്ടിൽ അതിക്രമിച്ചുകയറി അക്രമം നടത്തിയതെന്ന് പരാതിയിൽ പറയുന്നു.
സംഭവ സമയം പ്രായമായ ഭർതൃ മാതാവും മകളും മാത്രമായിരുന്നു വീട്ടിലുണ്ടായിരുന്നത്. അറസ്റ്റിലായ പ്രതിയെ കോടതിയിൽ ഹാജരാക്കി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
