കോഴിക്കോട്: കോഴിക്കോട് കാരശ്ശേരിയില്‍ കളിക്കുന്നതിനിടെ അലൂമിനിയം പാത്രം തലയില്‍ കുടുങ്ങിയ മൂന്ന് വയസുകാരന് രക്ഷകരായത് ഫയര്‍ ഫോഴ്സ് ടീം. രജീഷ് -ദീപ്തി ദമ്പതിമാരുടെ മകന്‍ അധ്വിക്കിന്റെ തലയിലാണ് പാത്രം കുടുങ്ങിയത്. വീട്ടുകാര്‍ ചേര്‍ന്ന് പാത്രം ഊരിയെടുക്കാന്‍ ശ്രമിച്ചെങ്കിലും നെറ്റിക്ക് മുകളില്‍ കുടുങ്ങി. ഇതോടെ കുട്ടി കരയാനും തുടങ്ങി.
തുടര്‍ന്ന് വീട്ടുകാര്‍ മുക്കം ഫയര്‍ഫോഴ്സിനെ അറിയിച്ചു. ഫയര്‍ഫോഴ്സെത്തി കുട്ടിയുടെ തലയില്‍ കുടുങ്ങിയ പാത്രം കട്ടറുപയോഗിച്ച് മുറിച്ച് മാറ്റി. നെറ്റിയില്‍ ചെറിയ മുറിവുണ്ടെങ്കിലും പാത്രം തലയില്‍ നിന്ന് ഒഴിവായതോടെ കുട്ടിയ്ക്കും ആശ്വാസമായി.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News