കോഴിക്കോട്: സിസ്റ്റര് ലിനിയുടെ ഭര്ത്താവ് സജീഷ് ജോലി ചെയ്യുന്ന ആരോഗ്യകേന്ദ്രത്തിലേക്ക് മാര്ച്ച് നടത്തിയ സംഭവത്തില് മൂന്ന് കോണ്ഗ്രസ് പ്രവര്ത്തകര് അറസ്റ്റില്. സജീഷിന്റെ ജോലി തടസപ്പെടുത്തിയ കേസില് തണ്ടോറപ്പാറ സ്വദേശികളായ സിദ്ദിഖ് വളയംപറമ്പില് (46), റാഷിദ് കിഴക്കോത്ത് (27), പേരാമ്പ്രക്കുന്നുമ്മല് സൂരജ് (33) എന്നവരെയാണ് പെരുവണ്ണാമൂഴി പൊലീസ് അറസ്റ്റ് ചെയ്തത്. മുല്ലപ്പള്ളിക്കെതിരായി സജീഷ് നടത്തിയ പ്രസ്താവനയില് പ്രതിഷേധിച്ചാണ് കോണ്ഗ്രസ് പ്രവര്ത്തകര് മാര്ച്ച് നടത്തിയത്.
ആരോഗ്യകേന്ദ്രം ഹെല്ത്ത് ഇന്സ്പെക്ടറെ കൈയ്യേറ്റം ചെയ്യുകയും ചെയ്തതിന് കോണ്ഗ്രസ് നേതാക്കള്ക്കെതിരെ പൊലീസ് നേരത്തെ കേസെടുത്തിരുന്നു. ഡി സി സി സെക്രട്ടറി മുനീര് എരവത്ത്, കോണ്ഗ്രസ് ബ്ലോക്ക് പ്രസിഡന്റ് രാജന് മരുതേരി അടക്കമുള്ളവര്ക്കെതിരെ പെരുവണ്ണാമുഴി പോലീസാണ് കേസെടുത്തത്. കൂത്താളി പി എച്ച് സി മെഡിക്കല് ഓഫീസര് നല്കിയ പരാതിയിലാണ് നടപടി.