മുംബൈ:വിവാഹം ജീവിതത്തിന്റെ നിര്‍ണായക ഘട്ടമായിട്ടാണ് പലരും കാണുന്നത്. അതുകൊണ്ട് തന്നെ ആ ദിവസത്തെ ആഘോഷത്തിന്റെ നിറം കൂടും. പ്രത്യേക തീം സെറ്റ് ചെയ്ത്, ഡെസ്റ്റിനേഷന്‍ വെഡ്ഡിങ് ഒക്കെ നടക്കുന്ന കാലമാണിത്. അത്തരം തീമും ഡെസ്റ്റിനേഷനും ഒന്നും തീരുമാനിച്ചിട്ടില്ലെങ്കിലും കല്യാണം നടക്കുന്ന ദിവസത്തിന് ഒരു പ്രത്യേകത വേണം എന്ന നിര്‍ബന്ധം ആമിര്‍ ഖാന്റെ മകള്‍ക്കുണ്ട്. ഭാവി വരനെ ആദ്യമായി കണ്ട ദിവസമോ പ്രണയം പ്രപ്പോസ് ചെയ്്ത ദിവസമോ അല്ല, ആദ്യമായി ചുംബിച്ച ദിവസം
2022 സെപ്റ്റംബറിലാണ് ഫിറ്റ്‌നസ്സ് ട്രെയിനര്‍ നുപുര്‍ ശിഖരെയുമായുള്ള ഇറ ഖാന്റെ വിവാഹ നിശ്ചയം കഴിഞ്ഞത്. ബന്ധുക്കളും സുഹൃത്തുക്കളുമെല്ലാം പങ്കെടുത്ത വിവാഹ നിശ്ചയത്തിന്റെ ഫോട്ടോകളും വീഡിയോകളുമെല്ലാം സോഷ്യല്‍ മീഡിയിയല്‍ വൈറലായിരുന്നു. എന്നാല്‍ നിശ്ചയം കഴിഞ്ഞ് ഒരു വര്‍ഷമാവാറായിട്ടും വിവാഹക്കാര്യത്തില്‍ ഇതുവരെ തീരുമാനമായില്ല. അതെന്താണ് നടക്കാത്തത് എന്ന ചോദ്യം ഉയര്‍ന്നു തുടങ്ങിയിട്ട് നാളുകള്‍ കുറച്ചായി. അതിനുള്ള മറുപടിയുമായിട്ടാണ് ഇപ്പോള്‍ ഇറ ഖാന്‍ എത്തിയിരിയ്ക്കുന്നത്.
കല്യാണം ജനുവരി 3 ന് തന്നെ നടത്തണം എന്നായികുന്നു ഞങ്ങളുടെ ആഗ്രഹം. എന്നാല്‍ ഏത് വര്‍ഷമാണെന്ന് ഞങ്ങള്‍ തീരുമാനിച്ചിരുന്നില്ല. ജനുവരി 3 ഞങ്ങളെ സംബന്ധിച്ച് വളരെ സ്പ്ഷ്യല്‍ ആയ ദിവസമാണ്, അന്നാണ് ഞങ്ങള്‍ ആദ്യമായി ചുംബിച്ചത്. ആ ദിവസം തന്നെ കല്യാണം വേണം എന്നാണ് ആഗ്രഹം.
രണ്ടു വര്‍ഷം പ്രണയിച്ചതിന് ശേഷമാണ് 2022 ല്‍ നുപുര്‍ ശിഖരയുടെയും ഇറ ഖാന്റെയും വിവാഹ നിശ്ചയം കഴിഞ്ഞത്. അതിന് ശേഷം റൊമാന്റിക് ആയിട്ടുള്ള തങ്ങളുടെ ചിത്രങ്ങളും വീഡിയോകളുമെല്ലാം ഇറ തന്റെ സോഷ്യല്‍ മീഡിയയില്‍ പങ്കുവയ്ക്കാറുണ്ട്. അച്ഛനും അമ്മയും കിരണ്‍ ആന്റിയുമല്ലാതെ, തന്നെ ഏറ്റവും കൂടുതല്‍ സപ്പോര്‍ട്ട് ചെയ്യുന്ന ആളാണ് നുപുര്‍ എന്നാണ് ഇറ പറയുന്നത്.
നുപുറിനെ പോപ്പെ എന്നാണ് ഇറ സ്‌നേഹത്തോടെ വിളിക്കുന്നത്. തന്റെ ഡിപ്രഷന്‍ സ്റ്റേജില്‍ പോപ്പെ കൂടെ തന്നെ നിന്ന് പിന്തുണച്ചതിനെ കുരിച്ചും ഇറ സംസാരിക്കുന്നുണ്ട്. അത്തരം ഒരു ഘട്ടത്തില്‍ മറ്റൊരാള്‍ക്കൊപ്പം നില്‍ക്കും, തന്റെ ഊര്‍ജ്ജവും സമയവും എല്ലാം അയാള്‍ക്ക് വേണ്ടി ചെലഴിക്കാന്‍ കഴിയുന്നതും അത് മനസ്സിലാക്കുന്നതും വലിയ കാര്യമാണ്. അങ്ങനെ ഒരാളെ ജീവിത പങ്കാളിയായി കിട്ടിയതെന്റെ ഭാഗ്യമാണെന്നാണ് ഇറ പറഞ്ഞത്