കൊച്ചി: മീ ടു ആരോപണം നേരിടുന്ന കൊച്ചി വൈറ്റിലയിലെ മേക്കപ്പ് ആര്ട്ടിസ്റ്റ് അനസ് അനസാരി ഒളിവില്. പീഡനശ്രമത്തിന് മൂന്ന് കേസുകളാണ് അനസ് അനസാരിക്കെതിരെ ചുമത്തിയിരിക്കുന്നത്. ഇയാള് വിദേശത്തേക്ക് കടന്നതായി പോലീസ് സംശയിക്കുന്നു.
വിവാഹാവശ്യത്തിന് മേക്കപ്പ് ചെയ്യുന്നതിനിടെ മേക്കപ്പ് ആര്ട്ടിസ്റ്റില് നിന്ന് ലൈംഗികാതിക്രമം നേരിട്ടെന്നാണ് യുവതികളുടെ പരാതി. പരാതിക്കാരുടെ മൊഴിയുടെ അടിസ്ഥാനത്തില് സംഭവത്തെക്കുറിച്ച് പ്രാഥമികാന്വേഷണം ആരംഭിച്ചിട്ടുണ്ടെന്ന് കൊച്ചി ഡി.സി.പി വി.യു. കുര്യാക്കോസ് വ്യക്തമാക്കി. അന്വേഷണത്തില് കഴമ്പുണ്ടെന്ന് ബോധ്യപ്പെട്ടാല് പരാതിയില് കേസെടുക്കുമെന്നും ഡി.സി.പി അറിയിച്ചു. കൂടുതല് സ്ത്രീകള് സമൂഹമാധ്യമങ്ങളിലൂടെയും ഇയാള്ക്കെതിരെ പരാതി ഉന്നയിച്ചിട്ടുണ്ട്.
കൊച്ചിയിലെ ടാറ്റൂ ആര്ട്ടിസ്റ്റിന്റെ ലൈംഗികാതിക്രമത്തില് കേസ് അന്വേഷണം പുരോഗമിക്കെയാണ് മേക്കപ്പ് ആര്ട്ടിസ്റ്റിനെതിരെയും ആരോപണം ഉയര്ന്ന് വരുന്നത്. 2014 മുതല് ഈ മേക്കപ്പ് സ്റ്റുഡിയോയില് പോയി ദുരനുഭവമുണ്ടായ സ്ത്രീകളാണ് സാമൂഹ്യ മാധ്യമങ്ങളില് തുറന്ന് പറച്ചില് നടത്തിയിരിക്കുന്നത്.