വി.കെ. പ്രകാശ് സംവിധാനം ചെയ്യുന്ന ‘എരിഡ’ എന്ന ത്രില്ലര് ചിത്രത്തിന്റെ മൂന്നാമത്തെ പോസ്റ്ററാണ്സമൂഹ മാധ്യമങ്ങളിൽ ശ്രദ്ധ നേടുന്നത്. ചിത്രത്തിൽ നായികയായി എത്തുന്നത് സംയുക്ത മേനോനാണ്. സംയുക്ത മേനോന്റെ ഗ്ലാമർ അവതരണമാണ് പ്രധാന ആകർഷണം. അവളുടെ രാവുകൾ സിനിമയിലെ സീമയെ അനുസ്മരിപ്പിക്കുന്ന വിധമാണ് സംയുക്തയുടെ ലുക്കെന്നാണ് ആരാധകരുടെ കണ്ടെത്തൽ.
അതേ സമയം പോസ്റ്റര് വെെറലായതോടെ സദാചാര വാദികളും രംഗത്ത് എത്തിക്കഴിഞ്ഞു. ഷര്ട്ട് മാത്രം ധരിച്ചു നില്ക്കുകയാണ് പോസ്റ്ററില് സംയുക്ത. ഇതാണ് സെെബര് ആങ്ങളമാരെ പ്രകോപിപ്പിച്ചിരിക്കുന്നത്. നിരവധി പേരാണ് കമന്റുകളിലൂടെ താരത്തേയും സിനിമയേയും വിമര്ശിക്കുന്നത്. ഇവള്ക്ക് പാവാട വാങ്ങിക്കൊടുക്കാന് ഇവിടാരുമില്ലേ? പാന്റ് കണ്ടു പിടിച്ചു തരുന്നവര്ക്ക് 1000രൂപ സമ്മാനം, അയ്യേ ഈ കുട്ടി പാന്റ് ഇടാന് മറന്നു എന്നാ തോന്നുന്നേ, എന്തൊക്കെ ഉണ്ടായിട്ടെന്താ ഒരു ട്രൗസര് വാങ്ങി ഇടാനുള്ള പൈസ കയ്യില് ഇല്ലെന്ന് പറഞ്ഞാല് എന്തൊരു കഷ്ടമാണ്’ തുടങ്ങിയ കമന്റുകളാണ് പോസ്റ്ററിന് ലഭിക്കുന്നത്
എരിഡ എന്നത് ഗ്രീക്ക് പദമാണ്. യവന മിത്തോളജിയുടെ പശ്ചാത്തലത്തില് സമകാലിക സംഭവങ്ങളെ പ്രതിപാദിക്കുന്ന ഒരു ത്രില്ലര് സിനിമയാണിത്. നാസ്സര്, സംയുക്ത മേനോന്, കിഷോര്, ധര്മ്മജന് ബോള്ഗാട്ടി, ഹരീഷ് പേരടി, ഹരീഷ് രാജ് എന്നിവരാണ് പ്രമുഖ താരങ്ങള്. ട്രെന്റ്സ് ആഡ്ഫിലിം മേക്കേഴ്സ് പ്രൈവറ്റ് ലിമിറ്റഡിന്റെ സഹകരണത്തോടെ അരോമ സിനിമാസ്, ഗുഡ് കമ്പനി എന്നിവയുടെ ബാനറില് അജി മേടയില്, അരോമ ബാബു എന്നിവര് ചേര്ന്നു നിർമിക്കുന്ന സിനിമയുടെ ഛായാഗ്രഹണം എസ്. ലോകനാഥന് നിര്വഹിക്കുന്നു. പ്രശസ്ത നിര്മ്മാതാവ് അരോമ മണിയുടെ മകന് അരോമ ബാബു നിർമിക്കുന്ന ആദ്യ ചിത്രമാണ് ‘എരിഡ’. വൈ. വി. രാജേഷ് തിരക്കഥ എഴുതുന്നു.