ഡൽഹി: പ്രകാശ് ജാവദേക്കറുമായി കൂടിക്കാഴ്ച നടത്തി സിപിഐഎം മുൻ ദേവികുളം എംഎൽഎ എസ്.രാജേന്ദ്രൻ. സിപിഐഎമ്മുമായി അകന്നു നിൽക്കുന്നതിനിടെയാണ് കൂടിക്കാഴ്ച. സൗഹൃദ സന്ദർശനം മാത്രമാണെന്നും ബിജെപിയിൽ ചേരാൻ ഉദ്ദേശിച്ചിട്ടില്ലെന്നും അദ്ദേഹം പറഞ്ഞു.
പ്ലാന്റേഷൻ വിഷയവുമായി ബന്ധപ്പെട്ടാണ് കൂടിക്കാഴ്ച നടത്തിയത്. സിപിഐഎമ്മുമായുള്ള അഭിപ്രായ വ്യത്യാസം പരിഹരിച്ച ശേഷം അംഗത്വം പുതുക്കുമെന്ന് അദ്ദേഹം പ്രതികരിച്ചു.
കഴിഞ്ഞ നിയമസഭ തെരഞ്ഞെടുപ്പില് ദേവികുളം മണ്ഡലത്തിലെ സി.പി.എം. സ്ഥാനാര്ഥിയായിരുന്ന എ.രാജക്കെതിരേ പ്രവര്ത്തിച്ചു എന്ന പേരിലായിരുന്നു രാജേന്ദ്രനെ പാര്ട്ടിയില്നിന്ന് സസ്പെന്ഡ് ചെയ്തിരുന്നത്.
എന്നാല് ഇത് കെട്ടിച്ചമച്ച വാര്ത്തയാണെന്നും തന്നെ സംബന്ധിച്ച വിഷയങ്ങള് സംസാരിച്ച് ഒത്തുതീര്പ്പിലെത്താന് പാര്ട്ടിക്ക് സമയം ലഭിച്ചിരുന്നുമായിരുന്നു രാജേന്ദ്രന്റെ പ്രതികരണം.ചതിയന്മാരായ ആളുകളോടൊപ്പം പ്രവര്ത്തിക്കാന് മനസ്സനുവദിക്കുന്നില്ലെന്നും അതുകൊണ്ടാണ് അംഗത്വം പുതുക്കാന് താത്പര്യമില്ലാത്തതെന്നുമായിരുന്നു രാജേന്ദ്രന് പറഞ്ഞിരുന്നത്.