റെയില്‍വേ ട്രാക്കിൽ റീൽ ചിത്രീകരണം, തീവണ്ടിയിടിച്ച് ദമ്പതിമാരും മകനും മരിച്ചു

ലഖിംപുർ ഖേരി: ഉത്തർപ്രദേശിലെ ലഖിംപുർ ഖേരിയിൽ റീൽ ചിത്രീകരിക്കുന്നതിനിടെ, തീവണ്ടിതട്ടി കുടുംബത്തിലെ മൂന്നുപേർ മരിച്ചു. മരിയ ഗ്രാമത്തിനു സമീപം ബുധനാഴ്ച രാവിലെയാണ് സംഭവം.

സിതാപുർ സ്വദേശികളായ മുഹമ്മദ് അഹമ്മദ്(26), ഭാര്യ നജ്നീൻ(24), ഇവരുടെ മകൻ അബ്ദുള്ള(3) എന്നിവരാണ് മരിച്ചത്. ട്രാക്കിൽനിന്ന് ഇവർ റീൽ ചിത്രീകരിക്കവേ പാസഞ്ചർ തീവണ്ടി തട്ടുകയായിരുന്നെന്നും മൃതദേഹങ്ങൾ പോസ്റ്റ്മോർട്ടത്തിന് അയച്ചതായും പോലീസ് പറഞ്ഞു.