മുംബൈ: മഹാരാഷ്ട്രയിലെ നാഗ്പൂരില് അഞ്ച് വയസുകാരിയെ ബലാത്സംഗ ശ്രമത്തിനിടെ കൊന്നു. നാഗ്പൂരില് നിന്നും മുപ്പത് കിലോമീറ്റര് അകലെ കല്മേശ്വറിലാണ് സംഭവം. സംഭവവുമായി ബന്ധപ്പെട്ട് 32 കാരനെ പൊലീസ് അറസ്റ്റ് ചെയ്തു. വെള്ളിയാഴ്ചയാണ് അഞ്ചുവയസുകാരിയെ കാണാതായത്. ഞായറാഴ്ച ഉച്ചയോടെ കുഞ്ഞിന്റെ മൃതദേഹം കണ്ടെത്തുകയായിരുന്നു.
മുത്തശിയ്ക്കൊപ്പം അടുത്ത ഗ്രാമത്തിലേക്ക് പോയതായിരുന്നു പെണ്കുട്ടി. എന്നാല് കുട്ടി മടങ്ങിയെത്തിയില്ല. തുടര്ന്ന് പെണ്കുട്ടിയുടെ കുടംബം പൊലീസില് പരാതി നല്കുകയായിരുന്നു. തലയ്ക്കേറ്റ ഗുരുതരമായ പരുക്കാണ് മരണകാരണമെന്നാണ് പ്രാഥമിക വിലയിരുത്തല്.
കുട്ടിയുടെ മൃതദേഹം പോസ്റ്റുമോര്ട്ടത്തിനായി അയച്ചിരിക്കുകയാണ്. പ്രതിക്കെതിരെ തട്ടിക്കൊണ്ടുപോകല്, കൊലപാതകം എന്നീ കുറ്റങ്ങള് ചുമത്തിയാണ് കേസ് എടുത്തത്. പോസ്റ്റുമോര്ട്ടം റിപ്പോര്ട്ട് കിട്ടിയ ശേഷം കൂടുതല് നടപടികള് സ്വീകരിക്കുമെന്ന് പൊലീസ് പറഞ്ഞു