തിരുവനന്തപുരം: സോളാര് കേസുകള് സി.ബി.ഐയ്ക്ക് വിടാനുള്ള സര്ക്കാര് തീരുമാനം തിരഞ്ഞെടുപ്പ് സ്റ്റണ്ട് മാത്രമാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു.
അഞ്ചു വര്ഷം അധികാരത്തിലിരുന്നിട്ടും ഒന്നും കണ്ടെത്താന് കഴിയാതിരുന്ന സര്ക്കാര് തിരഞ്ഞെടുപ്പ് അടുത്തപ്പോള് കേസ് സി.ബി.ഐയ്ക്ക് കൈമാറിയത് രാഷ്ട്രീയ ഗൂഢലക്ഷ്യത്തോടെയാണ്. വേങ്ങര ഉപതിരഞ്ഞെടുപ്പിന്റെ വോട്ടെടുപ്പ് ദിവസമാണ് കേസെടുക്കുമെന്ന് പ്രഖ്യാപിച്ചത്. സുപ്രീം കോടതി ജസ്റ്റീസ് അരിജിത് പസായത് ഈ പരാതിയില് കഴമ്പില്ലെന്നും കേസെടുക്കാനാവില്ലെന്നും സര്ക്കാരിന് നിയമോപദേശം നല്കിയതാണ്. എന്നിട്ടും നിയമസഭാ തിരഞ്ഞെടുപ്പ് മുന്നില് കണ്ട് കേസ് സി.ബി.ഐ അന്വേഷണത്തിന് വിട്ടതിന് പിന്നിലെ രാഷ്ട്രീയ ലക്ഷ്യം കേരളീയര്ക്ക് തിരിച്ചറിയാനാവും. ഇതൊന്നും ഇവിടെ ചിലവാകാന് പോകുന്നില്ലെന്ന് രമേശ് ചെന്നിത്തല പറഞ്ഞു.