മുംബൈ: മലയാളി മോഡലായ ശ്രീലക്ഷ്മി സതീഷിനെ പ്രശംസിച്ചുകൊണ്ടുള്ള രാം ഗോപാല്‍ വര്‍മയുടെ ട്വീറ്റ് വൈറലായിരുന്നു. സാരിയില്‍ ഇത്ര സുന്ദരിയായ സ്ത്രീയെ താൻ കണ്ടിട്ടില്ല എന്നാണ് രാം ഗോപാല്‍ വര്‍മയുടെ കമന്റ്.
ശ്രീലക്ഷ്മിയെ നായികയാക്കി സാരിയെക്കുറിച്ച്‌ ഒരു സിനിമ എടുക്കാനുള്ള താല്‍പ്പര്യവും അദ്ദേഹം പങ്കുവച്ചിരുന്നു. ആര്‍ജിവി ഇപ്പോഴും ശ്രീലക്ഷ്മിയുടെ പിന്നാലെയാണ് എന്നാണ് അദ്ദേഹത്തിന്റെ പോസ്റ്റുകള്‍ തെളിയിക്കുന്നത്.
സാരിയിലുള്ള ശ്രീലക്ഷ്മിയുടെ ഒരു ഫോട്ടോ പങ്കുവച്ചുകൊണ്ട് ഇത് ആരാണെന്ന് രാം ഗോപാല്‍ വര്‍മ തിരക്കുകയായിരുന്നു. പിന്നാലെയാണ് മലയാളി മോഡലായ ശ്രീലക്ഷ്മിയാണ് എന്ന് അറിയുന്നത്. തുടര്‍ന്ന് സിനിമയില്‍ അഭിനയിക്കാൻ താല്‍പ്പര്യമുണ്ടോ എന്ന് ആര്‍ജിവി ചോദിക്കുകയായിരുന്നു. കഥയും കഥാപാത്രവും അറിഞ്ഞതിനു ശേഷം തീരുമാനം അറിയിക്കാമെന്നാണ് ശ്രീലക്ഷ്മി പറഞ്ഞിരിക്കുന്നത്.
