'എനിക്ക് മുണ്ടുടുക്കാനും അറിയും, വേണമെങ്കില്‍ കുത്തിയുംവെക്കും; മലയാളത്തില്‍ തെറി പറയാനും അറിയും'

കൊച്ചി: കോൺ‌​ഗ്രസുകാർ തനിക്ക് കേരളരാഷ്ട്രീയം അറിയില്ലെന്ന് പറയുന്നത് നൂറുശതമാനം ശരിയാണെന്നും അത് പഠിക്കാൻ തനിക്ക് ഒരു ആ​ഗ്രഹവുമില്ലെന്നും രാജീവ് ചന്ദ്രശേഖർ. അവർ വേണമെങ്കിൽ പ്രിയങ്കാ ​ഗാന്ധിയെയോ രാഹുൽ ​ഗാന്ധിയേയോ പഠിപ്പിച്ചോട്ടോ.

പിന്നെ അവർ പറഞ്ഞത് തനിക്ക് മലയാളം അറിയില്ലെന്നാണ്. തൃശ്ശൂരിൽ വളർന്ന് പഠിച്ചൊരാളാണ്. തനിക്ക് മുണ്ടുടുക്കാനും അറിയാം, വേണമെങ്കിൽ മുണ്ടിൽ കുത്തിവെക്കാനും അറിയാം. മലയാളത്തിൽ സംസാരിക്കാനും അറിയാം, മലയാളത്തിൽ തെറി പറയാനും അറിയാം. ജനങ്ങൾക്ക് വികസനസന്ദേശം മലയാളത്തിൽ പറയാനും അറിയാമെന്നും അദ്ദേഹം പറഞ്ഞു.