ന്യൂഡല്‍ഹി: പ്രിയങ്ക ഗാന്ധി വയനാട്ടില്‍ മത്സരിക്കാന്‍ സാധ്യതയേറുന്നു. പ്രിയങ്ക മത്സരിക്കുമോയെന്ന മാധ്യമപ്രവര്‍ത്തകരുടെ ചോദ്യത്തിന് ആ സാധ്യത തള്ളാതെയായിരുന്നു കോണ്‍ഗ്രസ് നേതാവ് രാഹുല്‍ ഗാന്ധിയൃടെ മറുപടി.
പരാജയത്തിന്റെ പടുകുഴിയില്‍നിന്ന് കോണ്‍ഗ്രസിനെ ഇത്തവണ ലോക്സഭാ തിരഞ്ഞെടുപ്പില്‍ പുനരുജ്ജീവന പാതയിലെത്തിച്ച ഭാരത് ജോഡോ യാത്രയുടെ മാതൃകയില്‍ ഇനിയും യാത്രയുണ്ടാവുമോ എന്ന ചോദ്യത്തിന് കാത്തിരുന്ന് കാണാമെന്നായിരുന്നു മറുപടി. മാധ്യമ പ്രവര്‍ത്തകര്‍ക്ക് കോണ്‍ഗ്രസ് നല്‍കിയ വിരുന്നായിരുന്നു വേദി.
വയനാടോ റായ്ബറേലിയോ നിലനിര്‍ത്തുക എന്ന ആവര്‍ത്തിച്ചുള്ള ചോദ്യത്തിന് വേഗം തീരുമാനമെടുക്കുമെന്നും രണ്ടു മണ്ഡലത്തിനും മുറിവേല്‍ക്കാത്ത തീരുമാനമായിരിക്കുമെന്നും രാഹുല്‍ പ്രതികരിച്ചു. പ്രിയങ്ക വന്നാല്‍ രണ്ടുകൈയുംനീട്ടി സ്വീകരിക്കുമെന്നാണ് കെ.പി.സി.സിയുടെ നിലപാട്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
