PRANAV MOHANLAL 🎞️മഴയത്ത് സ്ലാക്ക്ലൈനിങ് നടത്തി പ്രണവ് മോഹൻലാൽ;വീഡിയോ

കൊച്ചി:മഴയത്ത് സ്ലാക്ക്‌ലൈനിങ് ചെയ്യുന്ന നടന്‍ പ്രണവ് മോഹന്‍ലാലിന്റെ വീഡിയോ ശ്രദ്ധേയമാകുന്നു. പ്രണവ് തന്നെയാണ് തന്റെ വീഡിയോ ഇന്‍സ്റ്റഗ്രാമിലൂടെ പങ്കുവച്ചത്. കുറച്ച് കാലങ്ങളായി ഇന്‍സ്റ്റഗ്രാമില്‍ യാത്രകളുടെ വിവരങ്ങളും ചിത്രങ്ങളും വീഡിയോകളുമെല്ലാം പ്രണവ് പങ്കുവെക്കാറുണ്ട്. നേരത്തേ സമൂഹമാധ്യമങ്ങളില്‍ സജീവമായിരുന്നില്ല പ്രണവ്.

വിനീത് ശ്രീനിവാസന്‍ സംവിധാനം ചെയ്ത ഹൃദയം എന്ന ചിത്രത്തിലാണ് പ്രണവ് ഒടുവില്‍ അഭിനയിച്ചത്. 2022 ല്‍ റിലീസ് ചെയ്ത ചിത്രം തിയേറ്ററുകളില്‍ ഗംഭീര വിജയം നേടി. ഹൃദയത്തിന് ശേഷം പ്രണവിന്റെ പുതിയ ചിത്രങ്ങളൊന്നും പ്രഖ്യാപിച്ചിട്ടില്ല.