തിരുവനന്തപുരം:സംസ്ഥാനത്തെ ഹയര്സെക്കന്ഡറി/ വൊക്കേഷണല് ഹയര് സെക്കന്ഡറി രണ്ടാം വര്ഷ പരീക്ഷാഫലം ഇന്ന് പ്രഖ്യാപിക്കും. ഉച്ചയ്ക്ക് ശേഷം മൂന്ന് മണിക്കാണ് പ്രഖ്യാപനം.
സെക്രട്ടറിയേറ്റ് പിആര്ഡി ചേംബറില് പൊതു വിദ്യാഭ്യാസ വകുപ്പ് മന്ത്രി വി ശിവന്കുട്ടിയാണ് ഫലം പ്രഖ്യാപിക്കുക.പ്ലസ് ടുവിന് 4,32,436 വിദ്യാര്ത്ഥികളാണ് ഇത്തവണ ഫലം കാത്തിരിക്കുന്നത്. 28,495 വിദ്യാര്ത്ഥികള് വൊക്കേഷണല് ഹയര് സെക്കന്ഡറി പരീക്ഷാഫലം കാത്തിരിക്കുന്നു.
ഔദ്യോഗിക ഫലപ്രഖ്യാപനത്തിന് ശേഷം വൈകീട്ട് നാല് മണി മുതൽ താഴെ പറയുന്ന വെബ്സൈറ്റുകളിലും മൊബൈൽ ആപ്ലിക്കേഷനുകളിലും ഫലം ലഭ്യമാകുന്നതായിരിക്കും. www.keralaresults.nic.in, www.prd.kerala.gov.in, www.result.kerala.gov.in www.examresults.kerala.gov.in, www.results.kite.kerala.gov.in, എന്നീ സൈറ്റുകളിൽ വിദ്യാർത്ഥികൾക്ക് ഫലം നോക്കാം.