കൽപ്പറ്റ: വയനാട് ടൗൺഷിപ്പ് ഉദ്ഘാടനത്തിനെത്തിയ പിണറായി വിജയൻ വേദിയിൽ നൈസ മോളെ ചേർത്തുപിടിച്ചു. സിപിഎം ജില്ലാ സെക്രട്ടറി കെ. റഫീഖാണ് നൈസ മോളെ മുഖ്യമന്ത്രിയുടെ അടുത്തേക്ക് കൊണ്ടുവന്നത്. തുടർന്ന് നൈസ മോളോട് വിശേഷങ്ങൾ ചോദിച്ച് ലാളിച്ച മുഖ്യമന്ത്രി മടിയിലിരുത്തി കൊഞ്ചിച്ചു. കൂടെ റവന്യൂമന്ത്രി കെ. രാജനും ചേർന്നു. കേരളത്തിന്റെയാകെ നെഞ്ചു തകർത്ത് ഉരുളിന്റെ മഹാദുരന്തം ഉണ്ടായപ്പോൾ ഉമ്മയ്ക്കൊപ്പം അത്ഭുതകരമായി രക്ഷപ്പെട്ട നൈസ മോളെ പ്രധാനമന്ത്രി നരേന്ദ്ര മോദി വയനാട് ദുരന്ത ഭൂമിയിൽ വന്നപ്പോൾ സന്ദർശിച്ചിരുന്നു.
ഷേക്ക് ഹാന്ഡ് കൊടുത്തും താടിയിൽ പിടിച്ചും നൈസ രാജ്യത്തിന്റെ മുഴുവൻ ശ്രദ്ധ നേടി. ചൂരല്മല-മുണ്ടക്കൈ ഉരുള്പ്പൊട്ടല് ദുരന്തത്തെ തുടര്ന്ന് വീട് നഷ്ടപ്പെട്ടവര്ക്കായി സംസ്ഥാന സര്ക്കാര് പണി കഴിപ്പിച്ച ടൗണ്ഷിപ്പിലെ ഫേസ് ഒന്ന് ഗുണഭോക്താക്കള്ക്കുള്ള ആദ്യഘട്ടത്തില് പൂര്ത്തീകരിച്ച വീടുകൾക്കുള്ള നറുക്കെടുപ്പ് നടന്നപ്പോൾ നൈസമോള്ക്കും കുടുംബത്തിനും വീട് ലഭിച്ചു.
വയനാട് മുണ്ടക്കൈ, ചൂരൽമല ഉരുള്പൊട്ടൽ ദുരന്തബാധിതര് പുതുജീവിതത്തിലേക്ക്. ദുരന്തബാധിതര്ക്കായുള്ള ടൗണ്ഷിപ്പിന്റെ ഉദ്ഘാടനം മുഖ്യമന്ത്രി നിര്വഹിച്ചു. ടൗണ്ഷിപ്പിൽ ആദ്യഘട്ടത്തിൽ നിര്മാണം പൂര്ത്തിയായ 178 വീടുകളുടെ കൈമാറ്റവും പട്ടയ വിതരണവും മുഖ്യമന്ത്രി പിണറായി വിജയൻ നിര്വഹിച്ചു. അടുത്ത മഴയ്ക്ക് മുന്പ് ഉരുള്പൊട്ടൽ ദുരന്തബാധിതരായ എല്ലാവര്ക്കും വീട് കൈമാറുമെന്ന് മുഖ്യമന്ത്രി പിണറായി വിജയൻ പറഞ്ഞു. ഇനിയുള്ള ദുരന്തബാധിതർക്ക് കുറച്ച് മാസങ്ങൾക്ക് ഉള്ളിൽ വീട് ലഭ്യമാക്കും. സമൂഹത്തിലെ നിരവധി ആളുകൾ ദുരന്ത ബാധിതരെ സഹായിക്കാൻ സന്നദ്ധരായെന്നും സഹായം വാഗ്ദാനം ചെയ്ത പലരും വാക്ക് നിറവേറ്റിയെന്നും മുഖ്യമന്ത്രി പറഞ്ഞു
നൈസമോളുടെ പുതിയ വീട്
പ്രധാനമന്ത്രിയുടെ സന്ദർശന വേളയിൽ ഏറെ ശ്രദ്ധിക്കപ്പെട്ട നൈസമോളുടെ കുടുംബത്തിന് ടൗൺഷിപ്പിലെ നാലാം സോണിലുള്ള 252-ാം നമ്പർ വീടാണ് ലഭിച്ചിരിക്കുന്നത്.വിസ്തീർണ്ണം: ഏകദേശം 1000 ചതുരശ്ര അടിയിലാണ് വീട് നിർമ്മിച്ചിരിക്കുന്നത്.
സൗകര്യങ്ങൾ: മൂന്ന് കിടപ്പുമുറികൾ (മാസ്റ്റർ ബെഡ്റൂം ഉൾപ്പെടെ), ലിവിംഗ് റൂം, ഡൈനിംഗ് ഹാൾ, കിച്ചൺ, വർക്ക് ഏരിയ, സ്റ്റഡി റൂം, സിറ്റൗട്ട് എന്നിവ ഈ വീട്ടിലുണ്ട്.
പ്രത്യേകതകൾ: 7 സെന്റ് ഭൂമിയിലാണ് വീട് സ്ഥിതി ചെയ്യുന്നത്. ഭാവിയിൽ രണ്ടാം നില പണിയാൻ സാധിക്കുന്ന തരത്തിലുള്ള ശക്തമായ അടിത്തറയാണ് (Strong Foundation) ഇതിനുള്ളത്. കൂടാതെ ഓരോ വീടിനും സ്വന്തമായി സോളാർ പാനലുകളും കുടിവെള്ള ടാങ്കുകളും സ്ഥാപിച്ചിട്ടുണ്ട്.
ടൗൺഷിപ്പ് രണ്ടാം ഘട്ടം: ഒരു പൂർണ്ണ സാമൂഹിക വ്യവസ്ഥആദ്യഘട്ടത്തിൽ 178 വീടുകളാണ് കൈമാറിയതെങ്കിലും, വരും മാസങ്ങളിൽ ടൗൺഷിപ്പിനെ ഒരു സമ്പൂർണ്ണ നഗരമായി മാറ്റാനാണ് സർക്കാർ ലക്ഷ്യമിടുന്നത്.
അടിസ്ഥാന സൗകര്യങ്ങൾ:
12 കിലോമീറ്ററോളം ദൂരത്തിൽ അത്യാധുനിക രീതിയിലുള്ള ടാർ ചെയ്ത റോഡുകൾ ടൗൺഷിപ്പിനുള്ളിൽ നിർമ്മിക്കും.പൊതു സ്ഥാപനങ്ങൾ: രണ്ടാം ഘട്ടത്തിൽ ഒരു കമ്മ്യൂണിറ്റി ഹാൾ, അംഗനവാടി, പ്രൈമറി ഹെൽത്ത് സെന്റർ (PHC), സ്കൂൾ, കളിക്കളങ്ങൾ എന്നിവ പൂർത്തിയാക്കും.വിപണിയും തൊഴിലും: താമസക്കാർക്ക് ഉപജീവനത്തിനായി ഒരു പൊതു മാർക്കറ്റും ഷോപ്പിംഗ് കോംപ്ലക്സും പദ്ധതിയിലുണ്ട്.
പരിസ്ഥിതി സൗഹൃദം:
മലിനജല സംസ്കരണ പ്ലാന്റുകൾ (STP), മഴവെള്ള സംഭരണികൾ, ശാസ്ത്രീയമായ മാലിന്യ സംസ്കരണ സംവിധാനം എന്നിവ ഈ ടൗൺഷിപ്പിന്റെ പ്രത്യേകതയാണ്.പൂർത്തീകരണം: 2026 ഏപ്രിലോടെ ടൗൺഷിപ്പിലെ ആകെ 410 വീടുകളുടെയും നിർമ്മാണം പൂർത്തിയാക്കി എല്ലാ കുടുംബങ്ങളെയും താമസിപ്പിക്കാനാണ് സർക്കാർ ലക്ഷ്യമിടുന്നത്.
പ്രത്യേകത: ഓരോ 20 വീടുകൾക്കും ഇടയിൽ ഒരു ‘ഗ്രീൻ സ്പേസ്’ (Green Space) ഒരുക്കിയിട്ടുണ്ട്. ഇത് കുട്ടികൾക്ക് കളിക്കാനോ അല്ലെങ്കിൽ ചെറിയ കൃഷികൾ ചെയ്യാനോ താമസക്കാർക്ക് ഉപയോഗിക്കാം.