കൊച്ചി:സുരേഷ് ഗോപി ഭയങ്കര റൊമാന്റിക് ആയ നടനാണ് എന്ന് നൈല ഉഷ. പതിനാറുകാരന്റെ മനസ്സാണ് അദ്ദേഹത്തിന് എന്നും നൈല പറയുന്നു. തന്റെ ഓഫീസിൽ വരുമ്പോൾ നല്ല ഭംഗിയുള്ള പെൺകുട്ടികളെ കണ്ടാൽ അവർ എന്തേ പോയോ എന്നൊക്കെ അദ്ദേഹം അന്വേഷിക്കുമെന്നും നടി പറയുന്നു. ‘പാപ്പൻ’ എന്ന പുതിയ സിനിമയുടെ പ്രൊമോഷനുമായി ബന്ധപ്പെട്ട് നൽകിയ അഭിമുഖത്തിലാണ് നൈല രസകരമായ സംഭവം പറഞ്ഞത്.’മലയാളത്തിൽ എത്രയധികം റൊമാന്റിക് സിനിമകൾ ചെയ്ത നടനാണ് സുരേഷേട്ടൻ.
ബൈ ഹാർട്ട് 16 വയസ്സ് മാത്രമുള്ള വ്യക്തിയാണ് സുരേഷേട്ടൻ. ഇപ്പോഴും ഞങ്ങളുടെ ഓഫീസിൽ വരുമ്പോൾ നല്ല ഭംഗിയുള്ള പെൺകുട്ടികളെ കണ്ടാൽ ‘അവൾ പോയോ, കഴിഞ്ഞ പ്രാവശ്യം ഞാൻ വന്നിരുന്നപ്പോഴുള്ള അവൾ എന്തേ’ എന്നൊക്കെ ചോദിക്കും’ നൈല ഉഷ പറഞ്ഞു. പിന്നാലെ ‘ഞാൻ ആണുങ്ങളുടെ അടുത്ത് മാത്രമേ വഴങ്ങാത്തതായുള്ളു, പെണ്ണുങ്ങളുടെ അടുത്ത് വഴങ്ങും, വളയും’ എന്ന് സുരേഷ് ഗോപി തമാശ രൂപേണ മറുപടിയും നൽകി.
ഞാൻ കഴിഞ്ഞ ദിവസം ചോദിച്ചു, സുരേഷേട്ടന് പെൺമക്കളെയാണോ കൂടുതൽ ഇഷ്ടം എന്ന്. ഗോകുലിന് സുരേഷേട്ടനെ ഭയങ്കര പേടിയാണ്. സെറ്റിൽ വെച്ച് ഗോകുൽ ഒന്നെങ്കിൽ നിത്യയുടെ അപ്പുറത്തോ അല്ലെങ്കിൽ എന്റടുത്തോ വന്നേ ഇരിക്കുകയുള്ളു. സുരേഷേട്ടന്റെ അടുത്ത് ഇരിക്കില്ല. ഭയങ്കര ഭയ ഭക്തി ബഹുമാനമാണ്.
ഗോകുൽ വളർന്ന് വരുമ്പോൾ കാണുന്നത് വീട്ടിൽ ഒരു സൂപ്പർസ്റ്റാറിനെയാണ്. പിന്നീട് ഒരു കാലം കഴിഞ്ഞപ്പോൾ ഒരു രാഷ്ട്രീയക്കാരനെയും. അതിനാൽ ഭയങ്കര ബഹുമാനമാണ്. നേരെ മറിച്ച് പെൺമക്കൾ സുരേഷേട്ടനുമായി ഭയങ്കര അടുപ്പമാണ്. അദ്ദേഹം അങ്ങനെയാണ്. സുരേഷേട്ടന് റൊമാൻസ് ഉള്ളിൽ തന്നെയുണ്ട്.
ബാക്കിയൊക്കെ അദ്ദേഹം അഭിനയിക്കണം. റൊമാൻസ് അദ്ദേഹത്തിലേക്ക് വളരെ സ്വാഭാവികമായി തന്നെ വരും’ എന്നും നൈല ഉഷ കൂട്ടിച്ചേർത്തു.’പാപ്പനി’ൽ എബ്രഹാം മാത്യു മാത്തൻ എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. അന്ന എബ്രഹാം മാത്യു ആയാണ് നൈല എത്തുന്നത്. ഇരുവരും ഒന്നിച്ചുള്ള മെലഡി ഗാനം ഇതിനകം തന്നെ സമൂഹ മാധ്യമങ്ങളിൽ ഹിറ്റായി കഴിഞ്ഞു. ജൂലൈ 29 നാണ് ‘പാപ്പൻ’ തിയേറ്ററുകളിലെത്തുന്നത്.