AUSTRALIAN OPEN 🎾 ചരിത്രമെഴുതി ജോകോവിച്ച്; റെക്കോര്‍ഡ് നേട്ടത്തോടെ ഓസ്‌ട്രേലിയന്‍ ഓപ്പണില്‍ കിരീടം

മെല്‍ബണ്‍: ഓസ്‌ട്രേലിയന്‍ ഓപ്പണ്‍ ടെന്നീസ് കിരീടം ചൂടി നൊവാക് ജോകോവിച്ച്. ഫൈനലില്‍ ഗ്രീക്ക് താരം സ്റ്റെഫാനോസ് സിറ്റ്‌സിപാസിനെ പരാജയപ്പെടുത്തിയാണ് ജോകോവിച്ചിന്റെ കിരീടനേട്ടം. സെര്‍ബിയന്‍ താരത്തിന്റെ 22-ാം ഗ്രാന്‍ഡ് സ്ലാം കിരീടവും 10-ാം ഓസ്‌ട്രേലിയന്‍ ഓപ്പണ്‍ കിരീടവുമാണിത്.

ഇതോടെ ഏറ്റവും കൂടുതല്‍ ഗ്രാന്‍ഡ് സ്ലാം കിരീടമെന്ന റാഫേല്‍ നദാലിന്റെ റെക്കോര്‍ഡിനൊപ്പമെത്തിയിരിക്കുകയാണ് ജോകോവിച്ച്. കിരീട നേട്ടത്തോടെ ലോക ഒന്നാം നമ്പര്‍ സ്ഥാനം തിരിച്ചുപിടിക്കാനും ജോകോവിച്ചിനായി.

2️⃣2️⃣ and counting ✍️ pic.twitter.com/zSAjtzAeo6

— #AusOpen (@AustralianOpen) January 29, 2023

The one and only @DjokerNole ☝️ pic.twitter.com/3Opq9GgYLi

— #AusOpen (@AustralianOpen) January 29, 2023

മൂന്ന് സെറ്റ് നീണ്ട പോരാട്ടത്തിലാണ് 35 കാരനായ ജോകോവിച്ച് 24 കാരനായ സിറ്റസിപാസിനെ തോല്‍പ്പിച്ചത്. 6-3, 7-6, 7-6 എന്നിങ്ങനെയായിരുന്നു സെറ്റുകളിലെ സ്‌കോര്‍. മത്സരത്തില്‍ തുടക്കം മുതല്‍ തന്നെ ആധിപത്യത്തോടെയാണ് ജോകോവിച്ച് കളിച്ചത്. ആദ്യ സെറ്റിന്റെ തുടക്കത്തില്‍ തന്നെ സിറ്റ്‌സിപാസിന്റെ സര്‍വ്വ് ബ്രേക്ക് ചെയ്ത് ജോകോവിച്ച് മുന്നേറി.

എന്നാല്‍ രണ്ടാം സെറ്റില്‍ സിറ്റ്‌സിപാസ് ശക്തമായ പ്രകടനമായിരുന്നു കാഴ്ചവെച്ചത്. രണ്ടാം സെറ്റ് 6-6 എന്ന നിലയിലായതോടെ മത്സരം ടൈ ബ്രേക്കറിലേക്ക് കടക്കുകയായിരുന്നു. എന്നാല്‍ സിറ്റ്‌സിപാസിന്റെ പിഴവ് മുതലെടുത്തുകൊണ്ട് ജോകോവിച്ച് ടൈബ്രേക്കര്‍ സ്വന്തമാക്കുകയായിരുന്നു.

These reactions 🥹

Priceless. @DjokerNole • #AusOpen • #AO2023 pic.twitter.com/GKMVgcMlgf

— #AusOpen (@AustralianOpen) January 29, 2023

മൂന്നാം സെറ്റിലും കടുത്ത പോരാട്ടമായിരുന്നു ഇരുവരും കാഴ്ചവെച്ചത്. രണ്ടാം സെറ്റിന്റെ ആവര്‍ത്തനമെന്നപോലെ മൂന്നാം സെറ്റിലും മത്സരം ടൈബ്രേക്കറിലേക്ക് കടന്നു. എന്നാല്‍ ജോകോവിച്ചിന്റെ പരിചയ സമ്പത്തിന് മുന്നില്‍ സിറ്റ്‌സിപാസിന് പിടിച്ചുനില്‍ക്കാനായില്ല.

ടൈബ്രേക്കറില്‍ 5-7ന് വിജയിച്ച് സെറ്റും മത്സരവും ജോകോവിച്ച് സ്വന്തമാക്കി. കോവിഡ് വാക്‌സിന്‍ സ്വീകരിക്കാത്തതിനാല്‍ കഴിഞ്ഞ പ്രാവശ്യം ഓസ്‌ട്രേലിയന്‍ ഓപ്പണ്‍ കളിക്കാന്‍ ജോകോവിച്ചിന് അനുമതി ലഭിച്ചിരുന്നില്ല.