മുംബൈ: അറബിക്കടലില് രൂപപ്പെട്ട അതീതീവ്ര ന്യൂനമര്ദം നിസര്ഗ ചുഴലിക്കാറ്റായി മഹാരാഷ്ട്രയില് തീരംതൊട്ടൃ. മുംബയില് നിന്ന് 100 കിലോമീറ്റര് അകലെയുള്ള അലിബാഗിലാണ് ചുഴലിക്കാറ്റ് തീരം തൊട്ടത്. 100-110 കിലോമീറ്റര് വേഗതയില് ഉച്ചയ്ക്ക് ഒരു മണിയോടെയാണ് തീരം തൊട്ടത്. കാറ്റിന് വേഗത 120 കിലോമീറ്റര് വരെ പ്രതീക്ഷിക്കുന്നുണ്ട്.
ആറ് മണിക്കൂറിന് ശേഷം കാറ്റ് ദുര്ബലപ്പെടുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. ചുഴലിക്കാറ്റിനെ തുടര്ന്ന് മുംബൈ വിമാനത്താവളം പ്രവര്ത്തനം വൈകീട്ട് ഏഴ് മണിവരെ നിര്ത്തിവച്ചു. മുംബൈയില് നിന്നുള്ളതും മുംബൈയിലേക്ക് വരുന്നതുമായ ട്രെയിനുകള് നേരത്തെ സമയം പുനഃക്രമീകരിച്ചിരുന്നു.
ദക്ഷിണ മുംബൈയില് ശക്തമായ കാറ്റാണ് അനുഭവപ്പെടുന്നത്. പലയിടത്തും മരങ്ങള് കടപുഴകി വീണിട്ടുണ്ട്. ബീച്ചുകള്, പാര്ക്കുകള്, പൊതുസ്ഥലങ്ങള് എന്നിവിടങ്ങളിലേക്കൊന്നും ആരോടും എത്തരുതെന്ന് മുംബൈ കോര്പ്പറേഷന് അധികൃതരും പോലീസും കര്ശനനിര്ദേശം നല്കിയിട്ടുണ്ട്.