കൊച്ചി:തൊണ്ടിമുതലും ദൃക്സാക്ഷിയും എന്ന ചിത്രത്തിലൂടെ മലയാളികളുടെ പ്രിയപ്പെട്ട നടിയായി മാറിയ നിമിഷ സജയന്റെ പുതിയ ചിത്രങ്ങൾക്ക് നേരെ വിമർശനം.ഓറഞ്ച് ടോപ്പിനൊപ്പം ജീന്സ് ധരിച്ച ചിത്രമാണ് നിമിഷ പങ്കുവച്ചത്.
കാല് മുട്ട് മുതല് മുകളിലേക്ക് കീറി കാലുകള് കാണാവുന്ന നിലയിലുള്ള വസ്ത്ര ധാരണത്തിനു നേരെ രംഗത്ത് എത്തിയിരിക്കുകയാണ് സദാചാരവാദികൾ. ആരെങ്കിലും ഈ കുട്ടിക്ക് നല്ലൊരു വസ്ത്രം വാങ്ങി നല്കണേ, ഇത്രയും കാലത്തിന് ഇടയ്ക്ക് ഇങ്ങനെ ഒരു പാന്റ് പിച്ചക്കാര്ക്ക് പോലും കണ്ടില്ലല്ലോ, നല്ലൊരു നടി ആയിരുന്നു ഇപ്പോള് ഈ ഗതി വന്നല്ലോ, മേക്കപ്പും ചെയ്യില്ല മര്യാദയ്ക്ക് വസ്ത്രം ധരിക്കാറില്ല, എന്നിങ്ങനെ നിരവധി കമന്റുകള് ആണ് ചിത്രത്തിന് ലഭിക്കുന്നത്.
കഴിഞ്ഞ ദിവസം നടിയും ഉറ്റസുഹൃത്തുമായ അനു സിതാരയ്ക്കൊപ്പം പാതിരാത്രിയില് നൃത്തപരിശീലനം നടത്തുന്ന വീഡിയോ സമൂഹമാധ്യമത്തില് പോസ്റ്റ് ചെയ്തിരുന്നു.
ഒരു ഹിന്ദി പാട്ടിനൊപ്പമാണ് ഇരുവരും ചുവടുവെക്കുന്നത്. വീഡിയോയില് മനോഹരമായി നൃത്തം ചെയ്യുന്ന താരങ്ങളെ കാണാം. ഒപ്പം വീഡിയോയുടെ അവസാന ഭാഗത്ത് ഡാന്സ് പ്രാക്ടീസിന്റെ ചില ഭാഗങ്ങളും ചേര്ത്തിട്ടുണ്ട്. രസകരമായ ദൃശ്യങ്ങളാണ് വീഡിയോയുടെ അവസാന ഭാഗത്തുളളത്. അതേസമയം കൈനിറയെ ചിത്രങ്ങളുമായി മലയാളത്തില് മുന്നേറുന്ന താരമാണ് നിമിഷ സജയന്. മാര്ട്ടിന് പ്രകാട്ട് സംവിധാനം ചെയ്ത കുഞ്ചാക്കോ ബോബന് ചിത്രം നായാട്ട്, മഹേഷ് നാരായണ് സംവിധാനം ചെയ്ത ഫഹദ് ഫാസില് ചിത്രം മാലിക്ക് തുടങ്ങിയവ നിമിഷയുടെതായി റിലീസിങ്ങിനൊരുങ്ങുന്ന പുതിയ സിനിമകളാണ്. കൂടാതെ മമ്മൂട്ടിയുടെ വണ് എന്ന ചിത്രത്തിലും നടി അഭിനയിച്ചിരുന്നു.
ആനിക്കൊപ്പമുള്ള ടി.വി.ഷോയിൽ നടി നിമിഷ സജയൻ മേക്കപ്പ് അണിയുമോ ഇല്ലയോ എന്നതിനെ പറ്റിയുള്ള അഭിപ്രായം ചർച്ചകൾക്ക് വഴിവച്ചിരുന്നു. പൊതു പരിപാടികളിൽ പോലും മേക്കപ്പ് ഇടാതെ പ്രത്യക്ഷപ്പെടാറുള്ള നിമിഷ മേക്കപ്പ് ഇഷ്ടമല്ല എന്ന് പറഞ്ഞതാണ് വിവാദത്തിന് തിരികൊളുത്തിയത്.