അഭിനയിച്ച നെയ്മറിന് ചുവപ്പ് കാര്‍ഡ്, അവസാനം എംബപ്പെയുടെ ഗോളില്‍ പി എസ് ജി ജയിച്ചു
ലോകകപ്പ് കഴിഞ്ഞു പുനരാഭിച്ച ഫ്രഞ്ച് ലീഗിലെ ആദ്യ മത്സരത്തില്‍ പി എസ് ജിക്ക് നാടകീയ വിജയം. മെസ്സി ഇല്ലാതെ എംവപ്പെയും നെയ്മറും അടങ്ങുന്ന പി എസ് ജി സ്ട്രാസ്ബര്‍ഗിനെ ആണ് നേരിട്ടത്.
ഒന്നിനെതിരെ രണ്ട് ഗോളുകള്‍ക്ക് വിജയിക്കാന്‍ പി എസ് ജിക്ക് ആയി. ഇഞ്ച്വറി ടൈമില്‍ എംബപ്പെ നേടിയ ഗോളിനായിരുന്നു പി എസ് ജിയുടെ വിജയം. മത്സരത്തില്‍ പെനാള്‍ട്ടിക്ക് ആയി ഡൈവ് ചെയ്തതിന് നെയ്നര്‍ ചുവപ്പ് കാര്‍ഡ് വാങ്ങുന്നതും കാണാന്‍ ആയി.
മത്സരം ആരംഭിച്ച്‌ 14ആം മിനുട്ടില്‍ തന്നെ പി എസ് ജി ലീഡ് എടുത്തിരുന്നു. നെയ്മറിന്റെ അസിസ്റ്റില്‍ നിന്ന് ബ്രസീലിയന്‍ സെന്റര്‍ ബാക്ക് മാര്‍ക്കിനോസ് ആണ് പി എസ് ജിക്ക് ലീഡ് നല്‍കിയത്. ഈ ലീഡ് മാര്‍ക്കിനോസ് തന്നെ കളയുന്നതും കാണാന്‍ ആയി. 51ആം മിനുട്ടില്‍ മാര്‍ക്കിനോസിന്റെ സെല്‍ഫ് ഗോളില്‍ സ്റ്റ്രാസ്ബര്‍ഗ് പി എസ് ജിക്ക് ഒപ്പം എത്തി. മാര്‍ക്കിനോസില്‍ തട്ടി ഒരു വലിയ ഡിഫ്ലക്ഷനോടെ ആണ് പന്ത് വലയിലേക്ക് കയറിയത്.
61ആം മിനുട്ടിലും 63ആം മിനുട്ടില്‍ മഞ്ഞ കാര്‍ഡ് കണ്ട് നെയ്മര്‍ ചുവപ്പ് കാര്‍ഡുമായി കളം വിട്ടു. നെയ്മറിന്റെ അവസാന മഞ്ഞ കാര്‍ഡ് അദ്ദേഹം പെനാള്‍ട്ടിക്ക് വേണ്ടി ബോക്സില്‍ ഡൈവ് ചെയ്തതിനായിരുന്നു. നെയ്മര്‍ പുറത്ത് പോയതോടെ പി എസ് ജി പത്തു പേരായി ചുരുങ്ങി. അവസാനം എംബപ്പെ രക്ഷക്ക് എത്തി. ഇഞ്ച്വറി ടൈമില്‍ ഒരു പെനാള്‍ട്ടിയിലൂടെ എംബപ്പെ പി എസ് ജിയുടെ വിജയ ഗോള്‍ നേടി.
വിജയത്തോടെ 44 പോയിന്റുമായി ഒന്നാമത് നില്‍ക്കുകയാണ് പി എസ് ജി. ഒന്നാം സ്ഥാനത്ത് 8 പോയിന്റിന്റെ ലീഡ് അവര്‍ക്ക് ഉണ്ട്.
