ന്യൂയോര്ക്ക്: ഒരു മാസമായി തുടരുന്ന നഴ്സുമാരുടെ സമരത്തില് ന്യൂയോര്ക്കിലെ രണ്ട് പ്രമുഖ ആശുപത്രി ശൃംഖലകളില് ഒത്തുതീര്പ്പായെങ്കിലും ‘ന്യൂയോര്ക്ക്-പ്രെസ്ബൈറ്റീരിയന്’ ആശുപത്രിയിലെ നഴ്സുമാര് സമരം തുടരാന് തീരുമാനിച്ചു. ആശുപത്രി അധികൃതര് മുന്നോട്ടുവെച്ച പുതിയ കരാര് വോട്ടിനിട്ട് തള്ളിയതോടെയാണിത്.
മൗണ്ട് സിനായ് (Mount Sinai), മോണ്ടിഫിയോര് (Montefiore) ആശുപത്രികളിലെ പതിനായിരത്തോളം നഴ്സുമാര് പുതിയ കരാര് അംഗീകരിച്ചു. ഇവര് വരും ദിവസങ്ങളില് ജോലിയില് പ്രവേശിക്കും.
ന്യൂയോര്ക്ക്-പ്രെസ്ബൈറ്റീരിയനിലെ ഏകദേശം 4,200 നഴ്സുമാരാണ് കരാറിനെതിരെ വോട്ട് ചെയ്തത്. ആവശ്യത്തിന് ജീവനക്കാരെ നിയമിക്കാത്തതും ജോലിഭാരവും ചൂണ്ടിക്കാട്ടിയാണ് ഇവരുടെ തീരുമാനം.
നഴ്സുമാരുടെ സംഘടനയായ NYSNA-യുടെ നേതൃത്വം കരാര് അംഗീകരിക്കാന് നിര്ദ്ദേശിച്ചിരുന്നെങ്കിലും, നഴ്സുമാരുടെ പ്രാദേശിക കമ്മിറ്റി ഇതിനെ എതിര്ത്തു. നഴ്സുമാരുടെ ക്ഷേമത്തിന് കൂടുതല് ഉറപ്പുകള് വേണമെന്നാണ് ഇവരുടെ ആവശ്യം.
നാല് ആഴ്ചയായി കൊടും തണുപ്പിലും തുടരുന്ന ഈ സമരം ന്യൂയോര്ക്ക് നഗരത്തിന്റെ ചരിത്രത്തിലെ ഏറ്റവും ദൈര്ഘ്യമേറിയ നഴ്സിംഗ് സമരങ്ങളിലൊന്നാണ്. ജീവനക്കാരുടെ കുറവ് മൂലം രോഗീപരിചരണം തടസ്സപ്പെടുന്നു എന്നതായിരുന്നു സമരത്തിന്റെ പ്രധാന കാരണം.
While nurses at two major New York hospital systems (Mount Sinai and Montefiore) have ratified a new contract to end their month-long strike, over 4,200 nurses at NewYork-Presbyterian have decided to continue their agitation. The decision comes after the nurses rejected a tentative agreement and a mediator’s proposal by a majority vote on Wednesday. Although union leadership endorsed the deal, the hospital’s bargaining committee and members felt it lacked sufficient guarantees for safe staffing levels and layoff protections. Consequently, the historic strike, which began on January 12, remains in effect at NewYork-Presbyterian.