തിരുവനന്തപുരം: നിയമസഭാ തെരഞ്ഞെടുപ്പിനായുള്ള യുഡിഎഫിന്റെ പ്രചാരണ വാക്യം പുറത്തിറക്കി. ‘നാട് നന്നാകാന് യു.ഡി.എഫ്’ എന്നതാണ് പ്രചാരണ വാചകം. പ്രഖ്യാപിക്കുന്ന പുതിയ പദ്ധതികളോടൊപ്പം ‘വാക്ക് നല്കുന്നു യുഡിഎഫ്’ എന്ന വാചകം കൂടിയുണ്ടാകുമെന്ന് പ്രതിപക്ഷ നേതാവ് രമേശ് ചെന്നിത്തല വാര്ത്താസമ്മേളനത്തില് പറഞ്ഞു.
‘സംശുദ്ധം സദ് ഭരണം’ എന്നതാണ് ലക്ഷ്യം. ‘ഐശ്വര്യ കേരളത്തിനായി വോട്ട് ചെയ്യാം യുഡിഎഫിന്’ എന്നതാണ് അഭ്യര്ത്ഥന. കേരളത്തില് ഒരു മാറ്റം വേണം എന്നതാണ് ഉദ്ദേശിക്കുന്നതെന്നും രമേശ് ചെന്നിത്തല വാര്ത്താസമ്മേളനത്തില് പറഞ്ഞു.
‘ഉറപ്പാണ് എല്ഡിഎഫ്’ എന്നതാണ് ഇടതുമുന്നണിയുടെ പ്രചാരണവാക്യം. ഉറപ്പാണ് വികസനം, ഉറപ്പാണ് ആരോഗ്യം, ഉറപ്പാണ് ജനക്ഷേമം തുടങ്ങിയ ഉപതലക്കെട്ടുകളും പ്രചാരണ പോസ്റ്ററിലുണ്ട്. എ കെ ജി സെന്ററില് സി പി എം സംസ്ഥാന സെക്രട്ടറി എ വിജയരാഘവനും മുഖ്യമന്ത്രി പിണറായി വിജയനും പങ്കെടുത്ത ചടങ്ങിലാണ് പ്രചാരണ വാക്യം പ്രഖ്യാപിച്ചത്.
മുഖ്യമന്ത്രിയുടെയും സര്ക്കാര് നടപ്പാക്കിയ വികസന-ക്ഷേമ പദ്ധതികളുടെയും ചിത്രങ്ങള് പോസ്റ്ററില് നല്കിയിട്ടുണ്ട്. ‘എല് ഡി എഫ് വരും, എല്ലാം ശരിയാകു’മെന്നായിരുന്നു കഴിഞ്ഞ തിരഞ്ഞെടുപ്പില് ഇടത് പക്ഷത്തിന്റെ പ്രചാരണ വാക്യം.