ഓക്‌സിജന്‍ സിലിണ്ടറുകള്‍ കൊണ്ടുപോകരുതേ, എന്റെ അമ്മ മരിച്ചുപോകും- അപേക്ഷയുമായി മകന്‍, വൈറലായി പ്രാണവായുവിന് വേണ്ടിയുള്ള യാചന

ലഖ്നൗ:എന്റെ അമ്മ മരിച്ചുപോകും. ദയവായി ഓക്സിജൻ സിലിണ്ടറുകൾ എടുത്തുകൊണ്ടു പോകരുത്. ഞാൻ നിങ്ങളോട് അപേക്ഷിക്കുകയാണ്… സാമൂഹിക മാധ്യമങ്ങളിൽ വ്യാപകമായി പ്രചരിക്കുന്ന ഒരു വീഡിയോയിൽനിന്നുള്ള വാക്കുകളാണിത്. കോവിഡ് ബാധിതയായ അമ്മയ്ക്കു വേണ്ടി ഒരു മകൻ നടത്തുന്ന അപേക്ഷ. ഉത്തർ പ്രദേശിലെ സാദറിൽ ഒരു സ്വകാര്യ ആശുപത്രിക്കു മുന്നിൽനിന്നുള്ളതാണ് ഈ കാഴ്ച.

This is a really heart breaking video.
A man is begging in front of policeman not to take a Oxygen cylinder he has arranged for his mom in Agra, UP.

This is a total inhumane act by the police.

Is this how you should treat your fellow citizens Mr Yogi ? pic.twitter.com/Z4qTqsl5rY

— Youth Congress (@IYC) April 28, 2021

തിങ്കളാഴ്ച വൈകുന്നേരമാണ് വീഡിയോ ചിത്രീകരിക്കപ്പെട്ടിരിക്കുന്നതെന്നാണ് വിവരം. യൂത്ത് കോൺഗ്രസാണ് ഈ വീഡിയോ ട്വിറ്ററിലൂടെ പങ്കുവെച്ചിരിക്കുന്നത്. ഓക്സിജൻ സിലിണ്ടറുകൾ എടുത്തുകൊണ്ടു പോകരുതെന്ന് അപേക്ഷിക്കുന്ന വ്യക്തിയുടെ അമ്മയെ ഈ ആശുപത്രിയിലാണ് പ്രവേശിപ്പിച്ചിരിക്കുന്നത്.

ആശുപത്രിയുടെ മുന്നിൽ നിർത്തിയിട്ടിരിക്കുന്ന ആംബുലൻസിലേക്ക് ഓക്സിജൻ സിലിണ്ടറുകൾ കയറ്റുന്നതിന് കാവൽനിൽക്കുന്ന പോലീസുകാരോടാണ് ഇദ്ദേഹം അഭ്യർഥിക്കുന്നത്. ദയവായി കൊണ്ടുപോകരുത്(ഓക്സിജൻ സിലിണ്ടർ). ഞാൻ എവിടെനിന്ന് ഓക്സിജൻ സിലിണ്ടർ സംഘടിപ്പിക്കും? അമ്മയെ തിരികെ കൊണ്ടുവരുമെന്ന് എന്റെ കുടുംബത്തിന് വാക്കുകൊടുത്തിട്ടാണ് ഞാൻ ഇങ്ങോട്ടു വന്നത്- പി.പി.ഇ. കിറ്റ് ധരിച്ച യുവാവ് മുട്ടുകുത്തിനിന്ന് പോലീസുകാരോട് അപേക്ഷിക്കുന്നതും വീഡിയോയിൽ കാണാം.

അതേസമയം ഓക്സിജൻ നിറച്ച സിലിണ്ടറുകൾ പോലീസുകാർ ആശുപത്രിയിൽനിന്ന് കൊണ്ടുപോയെന്ന ആരോപണത്തിനെതിരെ ഉത്തർ പ്രദേശ് പോലീസ് രംഗത്തെത്തി. രണ്ടുദിവസം മുൻപ് ആഗ്രയിൽ ഓക്സിജൻ ക്ഷാമം അനുഭവപ്പെടുകയും ആളുകൾ തങ്ങളുടെ കൈവശമുണ്ടായിരുന്ന സിലിണ്ടറുകൾ ആശുപത്രികൾക്ക് തിരികെ നൽകുകയും ചെയ്തിരുന്നു- ആഗ്ര എസ്.പി. പറഞ്ഞു.

उपाध्याय हॉस्पिटल के वायरल वीडियो, ऑक्सीजन की समस्या से ग्रसित व्यक्ति, खाली सिलेंडर को ले जाकर भरवाने की कोशिश व 1 व्यक्ति द्वारा पुलिस से सहायता हेतु सिलेंडर की मांग दर्शाते हुए, भ्रामक तरीके से पोस्ट किए गए वीडियो के खंडन के संबंध में #SPCityAgra द्वारा दी गई बाइट। @Uppolice pic.twitter.com/XSvvbn11kC

— AGRA POLICE (@agrapolice) April 28, 2021

വീഡിയോയിൽ കാണുന്ന രണ്ടുപേർ കൊണ്ടുപോകുന്നത് കാലിയായ സിലിണ്ടറാണ്. ആശുപത്രിയിൽ പ്രവേശിപ്പിച്ചിരിക്കുന്ന ബന്ധുവിന് ഓക്സിജൻ സിലിണ്ടർ സംഘടിപ്പിച്ച് നൽകണമെന്ന് പോലീസുകാരോട് അഭ്യർഥിക്കുകയാണ് വീഡിയോയിൽ കാണുന്ന യുവാവ് ചെയ്യുന്നത്. ആരും ഓക്സിജൻ നിറച്ച സിലിണ്ടറുകൾ എടുത്തുകൊണ്ടുപോവുകയായിരുന്നില്ല- എസ്.പി. കൂട്ടിച്ചേർക്കുന്നു.

ഇത്തരത്തിലുള്ള വീഡിയോകൾ സാമൂഹിക മാധ്യമങ്ങളിൽ പ്രചരിക്കുന്നത് ആളുകളിൽ തെറ്റിദ്ധാരണ പരത്തുമെന്നും യു.പി. പോലീസ് പറഞ്ഞു. ഇത്തരം വീഡിയോകൾ പ്രചരിക്കുന്നതിനെ അപലപിക്കുന്നതായും യു.പി. പോലീസ് കൂട്ടിച്ചേർത്തു.