തൃശൂര്: മുണ്ടത്തിക്കോട് വെടിക്കെട്ട് അപകടത്തില് ജുഡീഷ്യല് അന്വേഷണം പ്രഖ്യാപിച്ച് സര്ക്കാര്. ജസ്റ്റിസ് സി.എന്. രാമചന്ദ്രന് നായരാണ് അന്വേഷിക്കുക. മരിച്ചവരുടെ കുടുംബങ്ങള്ക്ക് പതിനാല് ലക്ഷം രൂപ ധനസഹായം നല്കാനും മന്ത്രിസഭാ യോഗത്തില് തീരുമാനമായിട്ടുണ്ട്. മുഖ്യമന്ത്രിയുടെ സാന്നിധ്യത്തില് ചേര്ന്ന യോഗത്തില് വെടിക്കെട്ട് അപകടത്തെ സംസ്ഥാന സവിശേഷ ദുരന്തമായി പ്രഖ്യാപിച്ചുവെന്ന് മന്ത്രി കെ. രാജന് അറിയിച്ചു.
മുഖ്യമന്ത്രിയുടെ ദുരിതാശ്വാസ നിധിയില് നിന്നും പത്ത് ലക്ഷം സംസ്ഥാന ദുരന്ത നിവാരണ ഫണ്ടില് നിന്നും നാല് ലക്ഷം എന്നിവ ചേര്ത്താണ് പതിനാല് ലക്ഷം നല്കുക. പരിക്കേറ്റവര്ക്ക് 2 ലക്ഷം അടിയന്തിര സഹായവും നല്കും. ചികിത്സ ചെലവ് മുഴുവന് സര്ക്കാര് വഹിക്കുമെന്നും മന്ത്രിസഭാ യോഗത്തില് തീരുമാനമായിട്ടുണ്ട്.
ഇന്നലെ ഉച്ചയ്ക്ക് ശേഷമാണ് മുണ്ടത്തിക്കോട് പടക്കപ്പുരയില് വന് സ്ഫോടനം ഉണ്ടായത്. തൃശൂര് പൂരത്തിന്റെ ഭാഗമായി തിരുവമ്പാടിക്ക് വേണ്ടി വെടിക്കെട്ട് സാമഗ്രികള് നിര്മ്മിക്കുന്ന സ്ഥലത്തായിരുന്നു സ്ഫോടനം ഉണ്ടായത്. 13 പേര്ക്കാണ് അപകടത്തില് ജീവന് നഷ്ടപ്പെട്ടത്. പ്രദേശത്ത് തുടര്ച്ചയായി സ്ഫോടനം ശബ്ദം കേള്ക്കുകയും പുക ഉയരുന്നത് കാണുകയും ചെയ്തതോടെ നാട്ടുകാര് അപകടം മനസിലാക്കി ഓടിയെത്തുകയായിരുന്നു. അപകട സാധ്യത കണക്കിലെടുത്ത് ആളൊഴിഞ്ഞ പ്രദേശത്താണ് താല്ക്കാലികമായ പടക്കപ്പുര തയ്യാറാക്കിയിരുന്നത്.
അപകടത്തില് മരിച്ച ഏഴുപേരുടെ പൂര്ണ മൃതദേഹങ്ങള് ലഭിച്ചതായി ജില്ലാ കളക്ടര് ശിഖ സുരേന്ദ്രന് അറിയിച്ചു. ദുരന്തത്തില് മരിച്ചവരില് ഏഴ് പേരെ തിരിച്ചറിഞ്ഞു. ഇവരുടെ മൃതദേഹങ്ങള് പോസ്റ്റുമോര്ട്ടത്തിന് ശേഷം ബന്ധുക്കള്ക്ക് കൈമാറി. പരുക്കേറ്റ് ചികിത്സയിലുള്ള പതിമൂന്ന് പേരില് രണ്ട് പേര് വെന്റിലേറ്ററിലാണ്. ഡിഎന്എ പരിശോധനയ്ക്കായി രാജീവ് ഗാന്ധി ബയോ ടെക്നോളജിയിലെ ഏഴംഗസംഘം തൃശൂര് മെഡിക്കല് കോളജില് എത്തി. തൃശൂര് പഴയന്നൂര് സ്വദേശി സുദര്ശനന്, എടപ്പാള് സ്വദേശി മണികണ്ഠന്, പാലക്കാട് കുമരനെല്ലൂര് സ്വദേശി വാസുദേവന് , കുണ്ടന്നൂര് സ്വദേശി സുവിന്, കോട്ടപ്പുറം സ്വദേശി മണികണ്ഠന്, ബിജീഷ്, കൊളത്തൂര് സ്വദേശി സുബ്രഹ്മണ്യന് എന്നിവരുടെ മൃതദേഹമാണ് കൈമാറിയത്.
മുപ്പതോളം ശരീരാവശിഷ്ടങ്ങള് ഡിഎന്എ പരിശോധനയ്ക്ക് വിധേയമാക്കും. പതിമൂന്ന് പേരാണ് പരുക്കേറ്റ് ചികിത്സയിലുള്ളത്. പതിന്നൊന്ന് പേര് തൃശൂര് മെഡിക്കല് കോളജിലും രണ്ട് പേര് എലൈറ്റ് ആശുപത്രിയിലുമാണ്. മെഡിക്കല് കോളജില് ചികിത്സയിലുള്ള രണ്ട് പേര് വെന്റിലേറ്ററിലാണ്.
The Kerala government has announced a judicial inquiry into the Mundathicode fireworks accident, to be led by Justice C.N. Ramachandran Nair. In a cabinet meeting chaired by the Chief Minister, a compensation of ₹14 lakh was sanctioned for the families of the deceased. Minister K. Rajan also stated that the incident has been declared a “State Specific Disaster” to ensure enhanced relief measures.