റാഞ്ചി: രാജ്യം സമ്പൂര്ണ ലോക്ക് ഡൗണിനിലൂടെ കടന്നുപോകുന്നതിനിടെ പ്രായപൂര്ത്തിയാകാത്ത പെണ്കുട്ടി കൂട്ട ബലാത്സംഗത്തിനിരയായി. ഝാര്ഖണ്ഡിലാണ് മനുഷ്യ മനസ്സാക്ഷിയെ നടുക്കിയ സംഭവം അരങ്ങേറിയത്.
ലോക്ക് ഡൗണിനെ തുടര്ന്ന് ഹോസ്റ്റല് അടച്ചതിനാല് വീട്ടില് പോകാന് നില്ക്കുകയായിരുന്നു വിദ്യാര്ത്ഥിനി. ഹോസ്റ്റലില് നിന്ന് കരുദി എന്ന സ്ഥലം വരെ വിദ്യാര്ത്ഥിനിയെ ഒരു സുഹൃത്ത് എത്തിച്ചു. അവിടെ നിന്ന് കൂട്ടിക്കൊണ്ടുപോകാന് അച്ഛനെ വിളിച്ചുവെങ്കിലും അച്ഛന് എത്താതിരുന്നതിനെ തുടര്ന്ന് പെണ്കുട്ടി ഒരു സുഹൃത്തിന്റെ സഹായം തേടുകയായിരുന്നു.
വഴിയില് പോലീസ് ഉള്ളതുകൊണ്ട് കുറുക്കുവഴിയെടുക്കണമെന്ന് പറഞ്ഞ് പെണ്കുട്ടിയേയും കൊണ്ട് ഇയാള് വനപാതയിലൂടെ പോയി. ഗഡിയാപാനി എന്ന വനത്തില് വണ്ടി നിര്ത്തിയ ഇയാള് പെണ്കുട്ടിയെ ക്രീരമായി പീഡിപ്പിച്ചു. തുടര്ന്ന് സുഹൃത്തുക്കളെയും വിളിച്ചുവരുത്തി പെണ്കുട്ടിയെ ക്രൂര പീഡനത്തിന് ഇരയാക്കുകയായിരിന്നു.
അബോധാവസ്ഥയിലായ പെണ്കുട്ടിയെ വനത്തില് തന്നെ ഉപേക്ഷിച്ച് സംഘം കടന്നു കളഞ്ഞു. ബോധം വീണ പെണ്കുട്ടി ഏറെ കഷ്ടപ്പെട്ടാണ് മെയിന് റോഡിലേക്ക് വന്നതും പോലീസില് പരാതി നല്കിയതും. സംഭവത്തില് പോലീസ് കേസ് രജിസ്റ്റര് ചെയ്തിട്ടുണ്ട്. പെണ്കുട്ടി നിലവില് ആശുപത്രിയില് ചികിത്സയിലാണ്.