കൊച്ചി: ആറു വര്‍ഷത്തെ ഇടവേളക്ക് ശേഷം സിനിമയില്‍ തിരിച്ചെത്തിയ നടിയാണ് മീരാ ജാസ്മിന്‍. സത്യന്‍ അന്തിക്കാടിന്റെ ‘മകള്‍’ എന്ന ചിത്രത്തില്‍ ജയറാമിന്റെ നായികയായിട്ടായിരുന്നു തിരിച്ചുവരവ്. ഇതിന് പിന്നാലെ താരം ഇന്‍സ്റ്റഗ്രാമില്‍ പുതിയ അക്കൗണ്ട് തുടങ്ങുകയും ചെയ്തു.
ജീവിതത്തിലെ സന്തോഷ നിമിഷങ്ങളും വിദേശ യാത്രയുടെ ചിത്രങ്ങളും ഫോട്ടോഷൂട്ട് ചിത്രങ്ങളും ലൊക്കേഷനില്‍ നിന്നുള്ള വീഡിയോയുമെല്ലാം മീര ഇന്‍സ്റ്റഗ്രാമില്‍ ആരാധകര്‍ക്കായി പങ്കുവെയ്ക്കാറുണ്ട്. ഇപ്പോഴിതാ മീരയുടെ പുതിയ ഗ്ലാമര്‍ ചിത്രങ്ങളാണ് ഇന്‍സ്റ്റഗ്രാമില്‍ തരംഗമാകുന്നത്.
- ലാവന്‍ഡര്‍ നിറത്തിലുള്ള സ്ലീവ്ലെസ് ഗൗണാണ് മീര ധരിച്ചിരിക്കുന്നത്. ഡീപ് നെക്കാണ് ഈ ഗൗണിന്റെ പ്രത്യേകത. ഇംഗ്ലീഷ് ഗായകന്‍ എല്‍വിസ് കോസ്റ്റെല്ലോയുടെ ‘നതിങ് ഹില്‍’ എന്ന ആല്‍ബത്തില്‍ നിന്നുള്ള ‘ഷി’ എന്ന പാട്ടിലെ വരികളാണ് ഈ ചിത്രങ്ങള്‍ക്കൊപ്പം മീര കുറിച്ചിരിക്കുന്നത്.
മീരയുടെ ചിത്രത്തിന് താഴെ നിരവധി ആരാധകര്‍ കമന്റ് ചെയ്തിട്ടുണ്ട്. പ്രായം കൂടുതോറും മീരയുടെ ഭംഗി കൂടിവരികയാണെന്നും പഴകുംതോറും വീര്യം കൂടുന്ന വീഞ്ഞ് പോലെയാണെന്നും ആരാധകര്‍ കമന്റില്‍ പറയുന്നു. ജാസ്മിന്‍ ലാവന്‍ഡര്‍ ആയി മാറിയപ്പോള്‍ എന്നും ആരാധകര്‍ കുറിച്ചിട്ടുണ്ട്.
2014-ന് ശേഷം തമിഴിലും അരങ്ങേറ്റത്തിന് ഒരുങ്ങുകയാണ് മീര. എസ് ശശികാന്ത് സംവിധാനം ചെയ്യുന്ന ടെസ്റ്റ് എന്ന ചിത്രത്തിലൂടെയാണ് തിരിച്ചുവരവ്. മാധവന്‍, നയന്‍താര, സിദ്ധാര്‍ഥ് തുടങ്ങിയവരും ഈ ചിത്രത്തില്‍ വേഷമിടുന്നു. എം പത്മകുമാര്‍ സംവിധാനം ചെയ്ത ക്വീന്‍ എലിസബത്ത് എന്ന ചിത്രമാണ് ഇനി മലയാളത്തില്‍ പുറത്തിറങ്ങാനുള്ളത്. നരേനാണ് ഈ ചിത്രത്തിലെ മറ്റൊരു താരം. സമുദ്രക്കനി നായകനായി എത്തിയ വിമാനം എന്ന തെലുങ്ക് ചിത്രത്തിലും മീര അടുത്തിടെ അഭിനയിച്ചിരുന്നു.
നയൻതാരയ്ക്കൊപ്പം
നയൻതാരയ്ക്കൊപ്പവും മീരയുടെ ഒരു ചിത്രം വരാനുണ്ട്. ടെസ്റ്റ് എന്നാണ് ചിത്രത്തിന്റെ പേര്. മാധവനും മീരയ്ക്കൊപ്പം ചിത്രത്തിലെത്തുന്നുണ്ട്. മീരയുടെ ലുക്ക് പോസ്റ്ററും പുറത്തുവന്നിരുന്നു.
രണ്ടായിരം മുതൽ 2012 വരെയുള്ള കാലഘട്ടങ്ങളിൽ സിനിമയിൽ വളരെ സജീവമായിരുന്നു മീര. ആ സമയത്ത് പുറത്തിറങ്ങിയതിൽ ഒരുപിടി മികച്ച ചിത്രങ്ങൾ മീരയുടെ ലിസ്റ്റിലുണ്ട്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News