കൊച്ചി:സിനിമാതാരം ദിലീപിന്റെ മകള് മീനാക്ഷി വൈദ്യ രംഗത്തേക്ക് ഔദ്യോഗികമായി പ്രവേശിച്ചു. ഡെര്മറ്റോളജിയില് സ്പെഷ്യലൈസ് ചെയ്ത മീനാക്ഷി ഇപ്പോള് ആസ്റ്റര് ഹോസ്പിറ്റലില് ജോലി ചെയ്യുന്നതായാണ് ദിലീപ് വെളിപ്പെടുത്തിയത്. പുതിയ ചിത്രം പ്രിന്സ് ആന്ഡ് ഫാമിലിയുടെ പ്രമോഷന് പരിപാടിക്കിടെ മാധ്യമപ്രവര്ത്തകരുടെ ചോദ്യത്തിന് മറുപടിയായി ദിലീപ് ഇതുമായി ബന്ധപ്പെട്ട് സംസാരിക്കുകയായിരുന്നു.
‘അവള്ക്ക് ഇപ്പോള് സ്ഥിരമായ വരുമാനം ലഭിക്കുന്ന ഒരു ജോലി തുടങ്ങിയത് വളരെ അഭിമാനത്തോടെയാണ് ഞങ്ങള് കാണുന്നത്. വീട്ടില് ഈ മാസം സ്ഥിരം വരുമാനമുള്ള ഒരേ വ്യക്തിയാണ് അവള്. അതില് വലിയ സന്തോഷമുണ്ട്,’ എന്ന് ദിലീപ് പറഞ്ഞു. ചെന്നൈയിലെ ശ്രീരാമചന്ദ്ര മെഡിക്കല് കോളജില് നിന്നാണ് മീനാക്ഷി എം.ബി.ബി.എസ് പൂര്ത്തിയാക്കിയത്. ബിരുദദാന ചടങ്ങ് വാര്ത്തകളിലേറെയും ശ്രദ്ധനേടിയിരുന്നു. ദിലീപും കാവ്യ മാധവനും ചടങ്ങില് പങ്കെടുത്തിരുന്നു.
മീനാക്ഷി സിനിമാരംഗത്തേക്ക് നേരിട്ട് പ്രവേശിച്ചിട്ടില്ലെങ്കിലും മോഡലിങ്ങ് രംഗത്ത് സജീവമായിട്ടുള്ളതായും, നിരവധി പ്രേക്ഷകര് ശ്രദ്ധിച്ച നൃത്തവീഡിയോകളിലൂടെ സമൂഹമാധ്യമങ്ങളില് നിറഞ്ഞുനില്ക്കുന്നതായും റിപ്പോര്ട്ടുകളുണ്ട്. സംവിധായകന് അല്ഫോന്സ് പുത്രന്റെ ഭാര്യയ്ക്കൊപ്പമുള്ള മീനാക്ഷിയുടെ നൃത്ത വീഡിയോ വൈറലായിരുന്നു. വൈദ്യം, മോഡലിങ്ങ് എന്നിങ്ങനെ വിവിധ രംഗങ്ങളില് തന്റെ കഴിവുകള് തെളിയിക്കുന്ന മീനാക്ഷിയുടെ ഈ പുതുവഴി ദിലീപ് ആരാധകര്ക്കും കുടുംബത്തിനും വലിയ അഭിമാനമാണെന്നതില് സംശയമില്ല.