ഛത്തർപൂർ: ലൈംഗികാസക്തിയും കാമവികാരങ്ങളും പൂർണ്ണമായി ഇല്ലാതാക്കാൻ സ്വന്തം ലിംഗഭാഗം കോടാലി കൊണ്ട് വെട്ടിമാറ്റി നാൽപ്പത്തിരണ്ടുകാരൻ. മധ്യപ്രദേശിലെ ഛത്തർപൂർ ജില്ലയിൽ മഹാരാജ്പൂർ പോലീസ് സ്റ്റേഷൻ പരിധിയിൽ കഴിഞ്ഞ ശനിയാഴ്ചയാണ് നാടിനെ നടുക്കിയ ഈ ഞെട്ടിക്കുന്ന സംഭവം ഉണ്ടായത്. രാംമിലൻ യാദവ് എന്നയാളാണ് ഈ കടുംകൈ സ്വീകരിച്ചത്. തന്റെ കൃഷിയിടത്തിനടുത്തുള്ള കിണറ്റിൻകരയിൽ വെച്ചാണ് ഇയാൾ കോടാലി ഉപയോഗിച്ച് ലിംഗത്തിന്റെ ഒരു ഭാഗം വെട്ടിമാറ്റിയത്.
ആക്രമണത്തിന് ശേഷം ഗുരുതരമായി പരിക്കേറ്റതിനെ തുടർന്ന് ഇയാൾ തന്നെ തന്റെ ബന്ധുവിനെ ഫോണിൽ വിളിച്ച് വിവരം അറിയിക്കുകയായിരുന്നു. തുടർന്ന് ചോരയിൽ കുളിച്ച നിലയിൽ കണ്ടെത്തിയ ഇയാളെ ബന്ധുക്കൾ ഉടൻ തന്നെ മഹാരാജ്പൂരിലെ പ്രാഥമിക ആരോഗ്യ കേന്ദ്രത്തിൽ എത്തിച്ചു. എന്നാൽ പരിക്ക് അതീവ ഗുരുതരമായതിനാൽ പിന്നീട് ഛത്തർപൂർ ജില്ലാ ആശുപത്രിയിലേക്ക് മാറ്റുകയായിരുന്നു.
പ്രദേശത്ത് ഒരു രാംലീല നാടകസംഘം നടത്തിവരികയായിരുന്ന രാംമിലൻ, കഴിഞ്ഞ കുറച്ചുകാലമായി കടുത്ത മാനസിക അസ്വസ്ഥതയിലായിരുന്നു എന്നാണ് ബന്ധുക്കൾ നൽകുന്ന സൂചന. ദാരുണമായ ഈ സംഭവത്തിന് ശേഷം ഇയാൾ സാമൂഹ്യ മാധ്യമത്തിൽ പങ്കുവെച്ച ഒരു വീഡിയോ വലിയ ചർച്ചയായിട്ടുണ്ട്. തന്റെ ലൈംഗികാസക്തിയും ആഗ്രഹങ്ങളും എന്നെന്നേക്കുമായി അവസാനിപ്പിക്കാൻ വേണ്ടിയാണ് താൻ ഈ കടുംകൈ ചെയ്തതെന്ന് ഇയാൾ വീഡിയോയിൽ വ്യക്തമാക്കുന്നു. ഇനി ശേഷിക്കുന്ന ജീവിതം പൂർണ്ണമായും പ്രാർത്ഥനകൾക്കും രാജ്യസേവനത്തിനുമായി സമർപ്പിക്കാനാണ് തന്റെ തീരുമാനമെന്നും ഇയാൾ പറയുന്നുണ്ട്.
രാംമിലന്റെ ഭാര്യ ദീർഘനാളായി പക്ഷാഘാതം പിടിപെട്ട് കിടപ്പിലാണ്. ഒരു മകനും രണ്ട് പെൺമക്കളുമടങ്ങുന്നതാണ് ഇയാളുടെ കുടുംബം. ഇതിൽ ഒരു മകളുടെ വിവാഹം വരാനിരിക്കുന്ന ജൂൺ 25-ന് നടക്കാനിരിക്കുകയാണ്. ഇതിനിടയിലാണ് കുടുംബത്തെ മുഴുവൻ കണ്ണീരിലാഴ്ത്തിയ ഈ സംഭവം. രാംമിലന്റെ കുടുംബം നിലവിൽ കടുത്ത സാമ്പത്തിക പ്രതിസന്ധിയിലൂടെയാണ് കടന്നുപോകുന്നതെന്നും ബന്ധുക്കൾ വ്യക്തമാക്കുന്നു.
ആശുപത്രി അധികൃതർ നൽകുന്ന വിവരമനുസരിച്ച്, കോടാലി കൊണ്ടുള്ള കടുപ്പമേറിയ മുറിവ് കാരണം ഇയാളുടെ ലിംഗത്തിന്റെ ഒരു ഭാഗം വേർപെട്ടുപോയിട്ടുണ്ട്. നിലവിൽ തീവ്രപരിചരണ വിഭാഗത്തിൽ) വിദഗ്ദ്ധ ഡോക്ടർമാരുടെ നിരീക്ഷണത്തിൽ ചികിത്സയിലാണ് ഇയാൾ. സംഭവവുമായി ബന്ധപ്പെട്ട് പൊലീസിൽ ഇതുവരെ ഔദ്യോഗികമായി പരാതികളൊന്നും ലഭിച്ചിട്ടില്ലെന്നും, കുടുംബാംഗങ്ങളിൽ നിന്നോ മറ്റോ രേഖാമൂലം പരാതി ലഭിച്ചാൽ തുടർനടപടികൾ സ്വീകരിക്കുമെന്നും മഹാരാജ്പൂർ പോലീസ് വ്യക്തമാക്കി.
In a shocking incident reported from Chhatarpur district of Madhya Pradesh, a 42-year-old man named Rammilan Yadav chopped off a part of his own private part using an axe in an attempt to eradicate his sexual desires. The incident occurred near a well on his farmland under the Maharajpur police station limits. Despite severe bleeding, Yadav managed to alert his relative via phone, who rushed him to the hospital. He is currently in the ICU at Chhatarpur District Hospital. Yadav, who runs a Ramleela troupe, later posted a video on social media stating he did this to end all desires and wishes to spend his remaining life in prayer and service to the nation. His family, already facing financial constraints with his wife paralyzed and a daughter’s wedding scheduled for June 25, is in deep distress. Police said they will initiate action once a formal complaint is registered.