ലുലു മാളിൽ വീണ്ടും യുവതിക്ക് അപമാനം,നഗ്നതാ പ്രദർശനം നടത്തിയെന്ന് ആലപ്പുഴ സ്വദേശിനിയുടെ പരാതി

കൊച്ചി: ലുലു മാളിൽ വീണ്ടും യുവതിക്ക് അപമാനം. ആലപ്പുഴ സ്വദേശിനിയാണ് പരാതി നൽകിയത്. കഴിഞ്ഞ 25 ാം തിയ്യതി മാളിലെ രണ്ടാം നിലയിൽ വെച്ച് യുവാവ് നഗ്നതാ പ്രദർശനം നടത്തിയെന്നാണ് ആരോപണം. പരാതിയുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിൽ സിസിടിവി ദൃശ്യങ്ങൾ കണ്ടെടുത്തു.

യുവാവിനെ തിരിച്ചറിയാൻ നടപടികൾ തുടങ്ങി. നേരത്തെ മലയാളത്തിലെ യുവ നടിക്ക് നേരെ അതിക്രമം ഉണ്ടായത് വലിയ വാർത്തയായിരുന്നു. സിസിടിവി ദൃശ്യങ്ങളിടെ അടിസ്ഥാനത്തിൽ നടത്തിയ പരിശോധനയിൽ രണ്ട് പെരുന്തൽമണ്ണ സ്വദേശികളെ പൊലീസ് അറസ്റ്റ് ചെയ്തിരുന്നു.