പ്രേമത്തിന് പ്രായം ഒരു പ്രശ്നമല്ലെന്ന് പണ്ടുമുതല്‍ക്കെ പറഞ്ഞു കേള്‍ക്കുന്നതാണ്. ഇതിന് ഒരു ഉത്തമ ഉദാഹരണമാണ് 24കാരി കോനി കോട്ടനും 68കാരനായ ഹെര്‍ബ് ഡിക്കേഴ്സനുമായുള്ള പ്രണയം. തന്നെക്കാള്‍ 44 വയസ്സ് കൂടുതലുള്ള ഹെര്‍ബിനെ പ്രണയിക്കുന്നതിന്റെ പേരില്‍ നിരവധി വിമര്‍ശനങ്ങള്‍ അവള്‍ക്ക് കേള്‍ക്കേണ്ടി വരുന്നുണ്ടെങ്കിലും അതൊന്നും അവള്‍ കാര്യമാക്കുന്നില്ല.
2018ലാണ് അവര്‍ തമ്മില്‍ കണ്ടുമുട്ടുന്നത്. വിര്‍ജീനിയയില്‍ ഒരു അഭയകേന്ദ്രത്തില്‍ സന്നദ്ധപ്രവര്‍ത്തനം നടത്തുന്നതിനിടെയാണ് കോനി അതിനടുത്ത് ജോലി ചെയ്തിരുന്ന ഹെര്‍ബിനെ കാണുന്നത്. അവര്‍ പെട്ടെന്ന് തന്നെ അടുത്തു. നാലുമാസത്തിന് ശേഷം അവര്‍ ഒന്നിച്ച് താമസിക്കാന്‍ തുടങ്ങി. കഴിഞ്ഞ വര്‍ഷം അവരുടെ വിവാഹനിശ്ചയവും നടന്നു.
താന്‍ പണത്തിന് വേണ്ടിയാണ് അദ്ദേഹത്തിന്റെ പുറകെ നടക്കുന്നത് എന്നും, എന്നെപ്പോലുള്ള ഒരു ചെറുപ്പക്കാരിയെ അദ്ദേഹം പ്രേമിക്കുന്നത് വെറും സെക്സിന് വേണ്ടിയാണെന്നുമൊക്കെ ആളുകള്‍ അപവാദം പറഞ്ഞുണ്ടാക്കിയാതായി കോനി പറയുന്നു. ഈ ബന്ധം വീട്ടില്‍ അറിഞ്ഞപ്പോഴും വലിയ എതിര്‍പ്പായിരുന്നു, ‘എന്റെ കുടുംബത്തിന് ഈ ബന്ധം ഒട്ടും അംഗീകരിക്കാനായില്ല. എന്റെ സുരക്ഷയെക്കുറിച്ച് അവര്‍ ആശങ്കാകുലരായിരുന്നു. പക്ഷേ, കാലക്രമേണ അദ്ദേഹത്തെ അവര്‍ സ്വീകരിച്ചു എന്നും കോനി പറയുന്നു.
ഹെര്‍ബും സമാന പാതയില്‍ സഞ്ചരിച്ചിരുന്ന ഒരാളായിരുന്നു. എന്നാല്‍, അതില്‍ നിന്ന് പുറത്ത് വരാന്‍ ഇരുവര്‍ക്കും കഴിഞ്ഞത് അവരുടെ ഈ പ്രണയം മൂലമാണ്. ഇപ്പോള്‍ 18 മാസമായി കോനി മയക്കു മരുന്ന് തൊട്ടിട്ട്. ആദ്യദര്‍ശനത്തില്‍ തന്നെ തനിക്ക് ഹെര്‍ബിയോട് പ്രണയം തോന്നിയെന്നും, നാളുകള്‍ കഴിയുന്തോറും അത് കൂടുകയാണെന്നും കോനി കൂട്ടിച്ചേര്‍ത്തു.
