തിരുവനന്തപുരം:നാളെ കെഎസ്ആര്‍ടിസി ജീവനക്കാരുടെ പണിമുടക്ക്. ട്രാന്‍സ്‌പോര്‍ട്ട് ഡെമോക്രാറ്റിക്ക് ഫെഡറേഷന്റെ നേതൃത്വത്തിലാണ് പണിമുടക്ക് നടത്തുന്നത്.
രണ്ട് വര്‍ഷം കൊണ്ട് കെഎസ്ആര്‍ടിസിയെ ലാഭത്തിലെത്തിക്കുമെന്നും കണ്‍സോര്‍ഷ്യം കരാര്‍ നടപ്പാക്കുന്നതോടെ ശമ്പളവും പെന്‍ഷനും മുടങ്ങില്ലെന്നും ധനമന്ത്രി പ്രഖ്യാപിച്ചിരുന്നു.
എന്നാല്‍ ഈ ധനമന്ത്രി തന്നെ ജീവനക്കാരുടെ ശമ്പളവും പെന്‍ഷനും നല്‍കാനായി സര്‍ക്കാര്‍ വിഹിതമായി അനുവദിച്ച 20 കോടി രൂപ വെട്ടിക്കുറച്ച് ശമ്പളവിതരണം താറുമാറാക്കിയതെന്ന് ജീവനക്കാര്‍ ആരോപിക്കുന്നു.
മൂവായിരം ബസ്സ് മൂന്ന് വര്‍ഷത്തിനകം ഇറക്കുമെന്ന് പറഞ്ഞിട്ട് ഇറക്കിയത് 101 ബസുകള്‍ മാത്രമാണ്. പുതിയ ഒരു ബസ്സിറക്കാത്ത ശബരിമലക്കാലം ഇതാദ്യമാണ്. കോടതിയില്‍ ഒത്തുകളി നടത്തി 9,500 പേരെ പിരിച്ചുവിട്ടതായും ജീവനക്കാർ ആരോപിക്കുന്നു
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
