തിരുവനന്തപുരം; സംസ്ഥാനത്ത് ഓക്സിജൻ പ്രതിസന്ധി ഉണ്ടാകാതിരിക്കാനുള്ള പ്രവർത്തനങ്ങൾ സജീവമായി കെഎസ്ആർടിസി ജീവനക്കാർ, ഓക്സിജൻ ടാങ്കറുകൾ ഓടിക്കുന്നതിന് പരിശീലനം പൂർത്തിയായ 62 ഡ്രൈവർമാർക്കും, വിവിധ കളക്ട്രേറ്റുകളിൽ കളക്ടർമാർ ആവശ്യപ്പെട്ട പ്രകാരം ജോലിക്ക് ഹാജരായ ഡ്രൈവർമാരും, മറ്റ് ജീവനക്കാർക്കും പുറമെ ടാങ്കർ ലോറികൾ പെയിന്റിംഗ് ഉൾപ്പെടെയുള്ള ജോലികളുമായി മെക്കാനിക്കൽ വിഭാഗവും സജീവമായി.
സംസ്ഥാനത്ത് ഓക്സിജൻ എത്തിക്കുന്നതിന് വേണ്ടി പ്രവർത്തിക്കുന്ന ഇനോക്സ് കമ്പിനിയുടെ ടാങ്കർ പെയിന്റിംഗ് ചെയ്ത് നൽകുന്നതിന് വേണ്ടിയാണ് പാലക്കാട് കെഎസ്ആർടിസ് ഗ്യാരേജിൽ എത്തിച്ചത്. ഇതിനെ തുടർന്ന് യുദ്ധകാലാടിസ്ഥാനത്തിൽ പാലക്കാട് കെഎസ്ആർടിസി ഗ്യാരേജിലെ 4 പെയിന്റർമാരും , ഒരു ചാർജ് മാനും ജോലി ആരംഭിച്ചു. ശനിയാഴ്ച പുലർച്ചയോടെ തന്നെ പെയിന്റിംഗ് പൂർത്തിയാക്കി ടാങ്കർ തിരികെ നൽകാനാണ് ശ്രമം.
