കോഴിക്കോട്:കാട്ടിലപീടികയിൽ സ്വകാര്യബസ് നിയന്ത്രണംതെറ്റി കടയിലേക്ക് ഇടിച്ചുകയറി അപകടം. ശനിയാഴ്ച രാവിലെ 10.50 ഓടെയായിരുന്നു അപകടം സംഭവിച്ചത്. പിന്നാലെ അപകടത്തിൽ പരിക്കേറ്റ ബസ് ഡ്രൈവറെ കോഴിക്കോട് ബീച്ച് ആശുപത്രിയിൽ പ്രവേശിപ്പിക്കുകയും ചെയ്തു. അപകടത്തിപ്പെട്ട ബസിൽ ഇരുപതോളം യാത്രക്കാർ ഉണ്ടായിരിന്നു. പക്ഷെ യാത്രക്കാർക്ക് കാര്യമായ പരിക്കുകൾ ഒന്നുമില്ല.
ഇന്നലെ രാത്രി ബെംഗളൂരുവിൽ നിന്നും കോഴിക്കോട്ടേയ്ക്ക് വരുകയായിരുന്ന എവൺ ട്രാവൽസിന്റെ ബസ്സാണ് അപകടത്തിപ്പെട്ടത്. നിയന്ത്രണം തെറ്റിയ ബസ് റോഡരികിലുള്ള വെൽഡിങ് സ്ഥാപനത്തിലേക്ക്
ഇടിച്ചുകയറുകയായിരിന്നു. ഇടിയുടെ ആഘാതത്തിൽ കടയ്ക്ക് നാശനഷ്ടങ്ങൾ സംഭവിച്ചിട്ടുണ്ട്. ഡ്രൈവർ ഉറങ്ങിപോയതാണ് അപകടകാരണമെന്നാണ് നിഗമനം. ബസ് ഇടിച്ചുകയറിയപ്പോൾ കടയിലെ തൊഴിലാളികൾ അത്ഭുതകരമായിട്ടാണ് രക്ഷപെട്ടത്. ബസ് സമയം വൈകിയാണ് സർവീസ് നടത്തിയിരുന്നതെന്ന് യാത്രക്കാരും പറയുന്നു.