കൊച്ചി: സംസ്ഥാനത്തെ ലഹരിമാഫിയക്കെതിരെയുള്ള ‘ഓപ്പറേഷന് തൂഫാന്’ വേട്ടയ്ക്ക് പിന്തുണ പ്രഖ്യാപിച്ച് കോണ്ഗ്രസ് നേതാവ് കെ. സുധാകരന് എംപി കൊച്ചിയില് വിളിച്ചുചേര്ത്ത യോഗത്തില് കുപ്രസിദ്ധ ക്രിമിനല് കേസ് പ്രതികളും മുന് ഗുണ്ടാ നേതാക്കളും കൂട്ടത്തോടെ പങ്കെടുത്തത് വന് വിവാദമാകുന്നു. പുതിയൊരു രാഷ്ട്രീയ ചര്ച്ചയ്ക്ക് ഇതു വഴിവച്ചിട്ടുണ്ട്.
നിരവധി അക്രമക്കേസുകളില് പ്രതിയായ മട്ടാഞ്ചേരി ഹാരിസ്, പ്രമാദമായ തോക്ക് കേസ് പ്രതി റിയാസ്, കൊടുംക്രിമിനല് പുലി നസീര്, കൊച്ചിയിലെ ബ്യൂട്ടിപാര്ലര് വെടിവെപ്പ് കേസിലെ മുഖ്യപ്രതി ബിലാല് തുടങ്ങി അധോലോക പശ്ചാത്തലമുള്ള വന്നിരയാണ് സുധാകരനൊപ്പം വേദി പങ്കിട്ടത്. ലഹരിവിരുദ്ധ യോഗത്തിന്റെ പേരില് അധോലോക സംഘങ്ങളെ ഒരുമിച്ച് കൂട്ടിയ കെ. സുധാകരന്റെ നടപടിക്കെതിരെ കോണ്ഗ്രസിനുള്ളില് തന്നെ കടുത്ത അമര്ഷം പുകയുകയാണ്.
അതേസമയം, കെ. സുധാകരന് കൊച്ചിയില് വിളിച്ചുചേര്ത്ത ഈ വിവാദ യോഗം തങ്ങളുടെ അറിവോടെയോ സമ്മതത്തോടെയോ അല്ലെന്ന് വ്യക്തമാക്കി എറണാകുളം ഡിസിസി നേതൃത്വം അടിയന്തിരമായി രംഗത്തെത്തി. ലഹരിവിരുദ്ധ പോരാട്ടങ്ങള്ക്ക് ഐക്യദാര്ഢ്യം പ്രഖ്യാപിക്കാന് എന്ന പേരില് കൊച്ചിയില് ഇത്തരമൊരു യോഗം സംഘടിപ്പിക്കുന്നതിനെക്കുറിച്ച് ഡിസിസിക്ക് യാതൊരുവിധ മുന്കൂര് അറിയിപ്പും ലഭിച്ചിരുന്നില്ല. ക്രിമിനല് കേസ് പ്രതികളെയും ഗുണ്ടാ നേതാക്കളെയും അണിനിരത്തി നടത്തിയ ഈ കൂട്ടായ്മയുമായി ഔദ്യോഗിക കോണ്ഗ്രസ് പ്രസ്ഥാനത്തിന് യാതൊരുവിധ ബന്ധവുമില്ലെന്ന് എറണാകുളം ഡിസിസി ഭാരവാഹികള് കടുത്ത ഭാഷയില് പ്രതികരിച്ചു. യോഗത്തിന് മുന്പോ ശേഷമോ തങ്ങളുമായി യാതൊരു കൂടിയാലോചനയും സുധാകരന് നടത്തിയിട്ടില്ലെന്നും അവര് കൂട്ടിച്ചേര്ത്തു.
ആഭ്യന്തര വകുപ്പും എക്സൈസ് വകുപ്പും സംയുക്തമായി നടപ്പിലാക്കുന്ന ‘ഓപ്പറേഷന് തൂഫാന്’, ‘ഓപ്പറേഷന് തണ്ടര്’ എന്നീ ലഹരിവിരുദ്ധ പരിപാടികള്ക്ക് ജനകീയ പിന്തുണ ഉറപ്പാക്കുക എന്ന വ്യാജേനയാണ് കൊച്ചിയില് ഈ യോഗം സംഘടിപ്പിച്ചത്. യോഗത്തില് പങ്കെടുത്ത കുപ്രസിദ്ധ പ്രതികളോട് സംസ്ഥാന സര്ക്കാരിന്റെ ലഹരിവിരുദ്ധ പരിശ്രമങ്ങളുടെ ഭാഗമാകാന് കെ. സുധാകരന് എംപി പരസ്യമായി ആവശ്യപ്പെടുകയും ചെയ്തു. എന്നാല് യോഗത്തിന്റെ ദൃശ്യങ്ങളും ചിത്രങ്ങളും തൊട്ടുപിന്നാലെ സാമൂഹിക മാധ്യമങ്ങളില് വ്യാപകമായി പ്രചരിച്ചതോടെയാണ് കോണ്ഗ്രസ് വലിയ തോതില് പ്രതിരോധത്തിലായത്. ലഹരിവിരുദ്ധ യോഗത്തില് ലഹരിക്കടത്ത്-ക്രിമിനല് കേസുകളിലെ സ്ഥിരം പ്രതികള് എങ്ങനെ മുഖ്യാതിഥികളായി എത്തിയെന്നാണ് പൊതുസമൂഹം ചോദിക്കുന്നത്.
കോണ്ഗ്രസിലെ ഏറ്റവും മുതിര്ന്ന നേതാക്കളില് ഒരാളും എംപിയുമായ കെ. സുധാകരന്, കൊച്ചിയില് പരിഭ്രാന്തി പരത്തിയ വെടിവെപ്പ് കേസ് പ്രതികള്ക്കും ഗുണ്ടകള്ക്കുമൊപ്പം പരസ്യമായി വേദി പങ്കിട്ടത് എന്തിനാണെന്ന ചോദ്യം പാര്ട്ടി അണികളില് നിന്നും ഉയരുന്നുണ്ട്. സംഭവം വലിയ നാണക്കേടായതോടെ, ഇത് പാര്ട്ടി ഔദ്യോഗികമായി വിളിച്ചുചേര്ത്ത യോഗം ആയിരുന്നില്ലെന്നും തികച്ചും വ്യക്തിപരമായ താല്പര്യപ്രകാരം നടന്ന അനൗദ്യോഗിക കൂട്ടായ്മ മാത്രമാണെന്നുമാണ് സുധാകരനോട് അടുത്ത വൃത്തങ്ങള് നല്കുന്ന ദുര്ബലമായ വിശദീകരണം.എന്നാല് ഗുണ്ടാ നേതാക്കളുമായുള്ള സുധാകരന്റെ അവിശുദ്ധ ബന്ധം ആഭ്യന്തര വകുപ്പ് അതീവ ഗൗരവത്തോടെയാണ് കാണുന്നത്.
English SummaryA massive political controversy erupted in Kochi after notorious gang leaders, including Mattancherry Harris, Puli Naseer, and beauty parlor shooting case accused Bilal, attended a ‘Toofan’ support meeting called by KPCC President K. Sudhakaran MP. The Ernakulam DCC completely distanced itself from the event, raising severe criticism over welcoming underworld elements under the guise of an anti-drug meeting. The presence of history-sheeters at a political platform has triggered a major political row and a police inquiry into the matter.