തിരുവനന്തപുരം: കേരള സര്വകലാശാലയിലെ എസ്എഫ്ഐ നിയന്ത്രിക്കുന്ന വിദ്യാര്ത്ഥി യൂണിയന് അസാധുവാക്കിയ വൈസ് ചാന്സലര് ഡോ. മോഹനന് കുന്നുമ്മലിന്റെ ഉത്തരവ് ഹൈക്കോടതി റദ്ദാക്കി. യൂണിയന്റെ കാലാവധി പൂര്ത്തിയാകുന്നതുവരെ നിലവിലെ ഭരണസമിതിക്ക് തുടരാമെന്ന് കോടതി വ്യക്തമാക്കി. വിസിയുടെ നടപടി പ്രതികാരബുദ്ധിയോടെയുള്ളതാണെന്ന എസ്എഫ്ഐയുടെ വാദം ശരിവെക്കുന്നതാണ് കോടതിവിധി.
സര്വകലാശാലാ കലോത്സവം നടത്തുന്നതിലെ കാലതാമസവും, കായിക താരങ്ങള്ക്കുള്ള ടി.എ (യാത്രാബത്ത) അനുവദിക്കാത്തതുമാണ് വിസിയും വിദ്യാര്ത്ഥികളും തമ്മിലുള്ള തര്ക്കത്തിന് ആധാരം. ഒരു ഭരണസമിതിയുടെ കീഴില് രണ്ട് കലോത്സവം നടത്താന് കഴിയില്ലെന്ന നിലപാടിലായിരുന്നു വിസി. എന്നാല് വിദ്യാര്ത്ഥികളുടെ അവകാശങ്ങള് തടയുന്നു എന്നാരോപിച്ച് എസ്എഫ്ഐ ഈ മാസം പത്തിന് ശക്തമായ സമരം സംഘടിപ്പിച്ചു.
പ്രതിഷേധം കനത്തതോടെയാണ് നിലവിലെ യൂണിയനെ അസാധുവാക്കിക്കൊണ്ടും പുതിയ യൂണിയന് തിരഞ്ഞെടുപ്പിനായി ജനറല് കൗണ്സില് രൂപീകരിച്ചുകൊണ്ടും വിസി ഉത്തരവിറക്കിയത്. യൂണിയന്റെ കാലാവധി കഴിഞ്ഞതിനാല് ഇത് സ്വാഭാവിക നടപടിയാണെന്നായിരുന്നു സര്വകലാശാലയുടെ വിശദീകരണം.
തുടര്ന്ന് സര്വകലാശാല ആസ്ഥാനത്ത് നടന്ന എസ്എഫ്ഐ പ്രതിഷേധം വലിയ സംഘര്ഷത്തില് കലാശിച്ചു. ബാരിക്കേഡുകള് തകര്ത്ത് അകത്തുകയറിയ പ്രവര്ത്തകര്ക്ക് നേരെ പോലീസ് ജലപീരങ്കി പ്രയോഗിച്ചു. യൂണിയന് ചെയര്മാന് അശ്വിന് ഉള്പ്പെടെയുള്ള നേതാക്കളെ പോലീസ് ബലംപ്രയോഗിച്ച് അറസ്റ്റ് ചെയ്യുകയും ചെയ്തു.
വിസിയുടെ ഏകപക്ഷീയമായ നടപടിക്കേറ്റ കനത്ത തിരിച്ചടിയായാണ് വിദ്യാര്ത്ഥി സംഘടന ഈ വിധിയെ കാണുന്നത്. തങ്ങളുടെ കാലാവധി ബാക്കി നില്ക്കെ പുറത്താക്കിയ വിസിയുടെ നടപടി നിയമപരമല്ലെന്ന് തെളിഞ്ഞതായി എസ്എഫ്ഐ പ്രതികരിച്ചു. വിധി വന്നതോടെ സര്വകലാശാലാ കലോത്സവം നടത്തുന്ന കാര്യത്തില് യൂണിയന് ഇനി എന്ത് നിലപാട് സ്വീകരിക്കുമെന്നാണ് ഏവരും ഉറ്റുനോക്കുന്നത്.
he Kerala High Court has delivered a major blow to the Vice Chancellor of Kerala University, Dr. Mohanan Kunnummal, by quashing his order to dissolve the SFI-led University Students’ Union. On Thursday, February 12, 2026, the court ruled that the current union governing body can continue in office until its official term expires on February 28.