കോഴിക്കോട്: ജില്ലയിൽ ലഹരി വിൽപന ശൃംഖലകൾക്കെതിരെ പോലീസ് നടത്തുന്ന ശക്തമായ നടപടികളുടെ ഭാഗമായി, മയക്കുമരുന്ന് മാഫിയയുടെ സാമ്പത്തിക ഇടപാടുകൾ നിയന്ത്രിച്ചിരുന്ന യുവതി പിടിയിലായി. കോഴിക്കോട് കുറ്റ്യാടി മരുതോങ്കര സ്വദേശി കാഞ്ഞിരക്കുന്നുമ്മൽ കെ.സി. കീർത്തന (30) യെയാണ് വടകര പോലീസും ജില്ലാ ലഹരിവിരുദ്ധ സ്ക്വാഡായ ഡാൻസാഫും ചേർന്ന് പിടികൂടിയത്. വടകരയിൽ വൻതോതിൽ ലഹരി പടർത്തുന്ന സംഘത്തിലെ പ്രധാന കണ്ണിയാണ് ഇതോടെ വലയിലായിരിക്കുന്നത്.
ലഹരിമരുന്ന് വാങ്ങാനെത്തുന്നവരിൽ നിന്ന് പണം ശേഖരിക്കുന്നതിനായി ഈ യുവതിയുടെ ബാങ്ക് അക്കൗണ്ടുകളാണ് സംഘം ഉപയോഗിച്ചിരുന്നതെന്ന് അന്വേഷണത്തിൽ വ്യക്തമായി. ആവശ്യക്കാർ കീർത്തനയുടെ ബാങ്ക് അക്കൗണ്ടിലേക്ക് പണം അയച്ചുവെന്ന് ഉറപ്പുവരുത്തിയ ശേഷമാണ് സംഘം മയക്കുമരുന്ന് കൈമാറിയിരുന്നത്.
പണം അക്കൗണ്ടിൽ എത്തിയ വിവരം ലഭിക്കുന്നതോടെ സംഘത്തിലെ മറ്റൊരാൾ ആവശ്യക്കാർക്ക് എംഡിഎംഎ ഉൾപ്പെടെയുള്ള മാരക ലഹരിമരുന്നുകൾ എത്തിച്ചു നൽകുന്നതായിരുന്നു ഇവരുടെ പ്രവർത്തന രീതി. ഇതുവഴി ലക്ഷക്കണക്കിന് രൂപയുടെ സാമ്പത്തിക ഇടപാടുകളാണ് യുവതിയുടെ അക്കൗണ്ടിലൂടെ മാത്രം നടന്നിട്ടുള്ളതെന്ന് പോലീസ് സ്ഥിരീകരിച്ചു.
ജില്ലയിൽ പോലീസ് ആരംഭിച്ച ‘ഓപ്പറേഷൻ തൂഫാൻ’ എന്ന പ്രത്യേക ലഹരിവിരുദ്ധ ഡ്രൈവിന്റെ ഭാഗമായി കഴിഞ്ഞ ദിവസം വടകര ആവിക്കൽ ബീച്ച് സ്വദേശിയായ സഫ്വാൻ എന്ന യുവാവിനെ രണ്ട് ഗ്രാം എംഡിഎംഎയുമായി പോലീസ് അറസ്റ്റ് ചെയ്തിരുന്നു. ഇയാളെ സ്റ്റേഷനിലെത്തിച്ച് വിശദമായി ചോദ്യം ചെയ്തതാണ് കേസിൽ നിർണായക വഴിത്തിരിവായത്. ലഹരിമരുന്ന് വാങ്ങാൻ താൻ പണം കൈമാറിയിരുന്നത് ഒരു യുവതിയുടെ അക്കൗണ്ടിലേക്കാണെന്ന് സഫ്വാൻ പോലീസിനോട് സമ്മതിക്കുകയായിരുന്നു.
ലഹരി ഇടപാടുകാരനായ സഫ്വാന്റെ ബാങ്ക് അക്കൗണ്ട് രേഖകളും ഫോൺ കോളുകളും കേന്ദ്രീകരിച്ച് സൈബർ സെല്ലിന്റെ സഹായത്തോടെ പോലീസ് നടത്തിയ ദ്രുതഗതിയിലുള്ള അന്വേഷണമാണ് കീർത്തനയിലേക്ക് എത്തിയത്. തുടർന്ന് പേരാമ്പ്രയിൽ ഒളിവിൽ കഴിയുകയായിരുന്ന യുവതിയെ പോലീസ് സംഘം വളഞ്ഞ് കസ്റ്റഡിയിലെടുക്കുകയായിരുന്നു. ചോദ്യം ചെയ്യലിൽ കുറ്റം സമ്മതിച്ച പ്രതിയെ കോടതിയിൽ ഹാജരാക്കിയ ശേഷം കോടതി റിമാൻഡ് ചെയ്തു.
ഈ ലഹരി വിൽപന ശൃംഖലയ്ക്ക് പിന്നിൽ പ്രവർത്തിക്കുന്ന മറ്റ് ലഹരി ഇടപാടുകാരെക്കുറിച്ചും, കീർത്തനയുടെ അക്കൗണ്ടിലേക്ക് പണം വന്നിട്ടുള്ള മറ്റ് സ്രോതസ്സുകളെക്കുറിച്ചും പോലീസ് അന്വേഷണം വ്യാപിപ്പിച്ചിട്ടുണ്ട്. വരും ദിവസങ്ങളിൽ കൂടുതൽ അറസ്റ്റുണ്ടാകുമെന്നാണ് വടകര പോലീസ് നൽകുന്ന സൂചന.
As part of the anti-drug drive ‘Operation Toofaan’, the Kerala police busted a major drug peddling network and arrested a 30-year-old woman named Keerthana. The accused used a unique modus operandi targeting youngsters and students, where clients were asked to transfer money solely online via bank accounts or UPI. Once the payment was confirmed, the contraband, primarily MDMA, was dropped at a designated spot, and the location was shared via mobile. The network unraveled when the police detained a regular customer, whose phone records and financial transactions led the shadow police directly to Keerthana’s hideout, resulting in the seizure of commercial quantities of drugs.