ന്യൂഡല്ഹി നിയമസഭാ തെരഞ്ഞെടുപ്പിന്റെ ഫലം വന്ന് ഒരാഴ്ച കഴിഞ്ഞിട്ടും മുഖ്യമന്ത്രിയേക്കണ്ടെത്താന് കഴിയാത്ത സാഹചര്യത്തില് പുതിയ ഫോര്മുലയുമായി ഹൈക്കമാണ്ട്.മുഖ്യമന്ത്രിയാവണമെന്നാവശ്യപ്പെട്ട് രംഗത്തെത്തിയിരിക്കുന്ന വി.ഡി.സതീശന്,കെ.സി.വേണുഗോപാല്,രമേശ് ചെന്നിത്തല എന്നിവര് വിട്ടുവീഴ്ചയ്ക്ക് തയ്യാറാവാതെ നില്ക്കുന്നതിനാലാണ് സമവായ സ്ഥാനാര്ത്ഥിയെന്ന രീതിയില് കെ. മുരളീധരെ മുന്നോട്ടുവച്ചിരിക്കുന്നത്.ഗ്രൂപ്പുകള് സംവായത്തിലെത്തിയാല് മുരളീധനെ മുഖ്യമന്ത്രിയായി പ്രഖ്യാപിക്കാനുള്ള സൂചനയുണ്ടെന്ന് കോണ്ഗ്രസ് വൃത്തങ്ങള് ചൂണ്ടിക്കാണിക്കുന്നു.
കേരളത്തിലെ മുഖ്യമന്ത്രി സ്ഥാനത്തെച്ചൊല്ലി കോണ്ഗ്രസിനുള്ളില് വടംവലി രൂക്ഷമാകുന്നതിനിടെ, മുതിര്ന്ന നേതാവ് കെ. മുരളീധരനെ ഭരണത്തലപ്പത്തേക്ക് കൊണ്ടുവരണമെന്ന ആവശ്യവുമായി പ്രവര്ത്തകര് രംഗത്ത് എത്തിയിരുന്നു. വി.ഡി. സതീശന്, കെ.സി. വേണുഗോപാല്, രമേശ് ചെന്നിത്തല എന്നിവര്ക്കായി വിവിധ ഗ്രൂപ്പുകള് വാദിക്കുമ്പോഴാണ് കരുത്തനായ നേതാവെന്ന നിലയില് മുരളീധരന്റെ പേരും ചര്ച്ചകളിലേക്ക് വരുന്നത്. എല്ലാ വിഭാഗം ആളുകളെയും ഒരുമിച്ച് കൊണ്ടുപോകാന് മുരളീധരന് സാധിക്കുമെന്നും, പാര്ട്ടിയെ പ്രതിസന്ധി ഘട്ടങ്ങളില് നയിച്ച അദ്ദേഹത്തിന് അര്ഹമായ പരിഗണന നല്കണമെന്നുമാണ് അനുകൂലികളുടെ വാദം. സോഷ്യല് മീഡിയയിലും വിവിധ നഗരങ്ങളിലും മുരളീധരനെ പിന്തുണച്ചുകൊണ്ടുള്ള പ്രചാരണങ്ങള് ഇതിനോടകം ആരംഭിച്ചു കഴിഞ്ഞു.
ഗ്രൂപ്പ് പോര് തെരുവിലേക്ക് വ്യാപിക്കുന്ന സാഹചര്യത്തിൽ ഹൈക്കമാൻഡിന് കെ. മുരളീധരന്റെ പേര് അവഗണിക്കുക എളുപ്പമാകില്ല. കെ. കരുണാകരന്റെ പാരമ്പര്യം ഉയർത്തിക്കാട്ടിയും പാർട്ടിക്ക് വേണ്ടി ഏത് വെല്ലുവിളിയും ഏറ്റെടുക്കുന്ന അദ്ദേഹത്തിന്റെ ശൈലി ചൂണ്ടിക്കാട്ടിയും വലിയൊരു വിഭാഗം അണികൾ മുരളീധരനായി നിലകൊള്ളുന്നു. മറ്റ് നേതാക്കൾക്കിടയിലുള്ള തർക്കം പരിഹരിക്കാൻ ഒരു ‘കോംപ്രമൈസ് കാൻഡിഡേറ്റ്’ എന്ന നിലയിൽ മുരളീധരനെ പരിഗണിക്കാൻ സാധ്യതയുണ്ടെന്നും രാഷ്ട്രീയ നിരീക്ഷകർ വിലയിരുത്തുന്നുണ്ട്. എന്നാൽ, മുഖ്യമന്ത്രി ചർച്ചകൾക്കായി ഡൽഹിയിൽ ക്യാമ്പ് ചെയ്യുന്ന ഗ്രൂപ്പ് മാനേജര്മാര് ഈ പുതിയ നീക്കത്തോട് എങ്ങനെ പ്രതികരിക്കുമെന്നത് നിർണ്ണായകമാണ്.
മുരളീധരനെ മുഖ്യമന്ത്രിയാക്കണമെന്ന് ആവശ്യപ്പെട്ട് തിരുവനന്തപുരത്തും വടകരയിലും പ്രവർത്തകർ ഫ്ലെക്സ് ബോർഡുകൾ സ്ഥാപിച്ചു കഴിഞ്ഞു. ‘കെ.പി.സി.സിയെ നയിച്ച നായകൻ കേരളത്തെ നയിക്കട്ടെ’ എന്ന മുദ്രാവാക്യമാണ് ഇവർ ഉയർത്തുന്നത്. കെ.സി. വേണുഗോപാലിനും വി.ഡി. സതീശനുമായി ചേരിതിരിഞ്ഞ് പോരടിക്കുന്ന കോൺഗ്രസിൽ മുരളീധരന്റെ വരവ് പുതിയൊരു ഗ്രൂപ്പ് സമവാക്യത്തിന് വഴിതുറന്നേക്കാം. ഉമ്മൻ ചാണ്ടിയുടെയും കരുണാകരന്റെയും കാലത്തെ ഗ്രൂപ്പ് രാഷ്ട്രീയത്തിന്റെ പുതിയ പതിപ്പാണ് ഇപ്പോൾ അരങ്ങേറുന്നതെന്ന വിമർശനവും പാർട്ടിക്കുള്ളിൽ ഉയരുന്നുണ്ട്. ഏതായാലും, മുഖ്യമന്ത്രി പ്രഖ്യാപനം വൈകുന്നത് അണികൾക്കിടയിൽ അക്ഷമ വർദ്ധിപ്പിക്കുന്നു എന്നതിന് തെളിവാണ് മുരളീധരനായുള്ള ഈ പുതിയ മുറവിളി.
The leadership race in the Kerala Congress has taken a new turn as supporters of veteran leader K. Muraleedharan have stepped up their demand to appoint him as the next Chief Minister. Amidst the ongoing tussle between factions supporting V.D. Satheesan, K.C. Venugopal, and Ramesh Chennithala, Muraleedharan’s followers argue that his vast experience and leadership are essential for the state. Flex boards and social media campaigns supporting Muraleedharan have emerged, adding further pressure on the High Command currently deliberating in Delhi.