മുംബൈ:ഒരു കൂട്ടം പുതിയ പ്ലാനുകള് അവതരിപ്പിച്ചിരിക്കുകയാണ് ജിയോ. 269 രൂപ മുതല് 789 രൂപ വരെ വിവിധ നിരക്കുകളിലുള്ള ഈ പ്രീപെയ്ഡ് പ്ലാനുകള്ക്കൊപ്പം ആകര്ഷകമായ ആനുകൂല്യങ്ങളും ജിയോ നല്കുന്നു. ജിയോ അവതരിപ്പിച്ച 84 ദിവസം വാലിഡിറ്റിയുള്ള രണ്ട് പുതിയ പ്ലാനുകളാണ് 739 രൂപ, 789 രൂപ എന്നിവ. 5ജി ഡാറ്റ ആനുകൂല്യങ്ങള് ഉള്പ്പടെയുള്ള പ്ലാനുകളാണിത്. ഈ പ്ലാനുകള് എടുക്കുന്ന ഉപഭോക്താക്കള്ക്ക് ജിയോ സാവന് പ്രോ സബ്സ്ക്രിപ്ഷനും ലഭിക്കും.
739 രൂപയുടെ പ്ലാന്
ആകെ 126 ജിബി ഡാറ്റയാണ് 84 ദിവസ കാലയളവില് ഈ പ്ലാനിനൊപ്പം ലഭിക്കുക. അതായത് പ്രതിദിനം 1.5 ജിബി ഡാറ്റ ഉപയോഗിക്കാം. പ്രതിദിന ഡാറ്റാ ലിമിറ്റ് കഴിഞ്ഞാല് ഇന്റര്നെറ്റ് വേഗം 64 കെബിപിഎസിലേക്ക് ചുരുങ്ങും. അണ്ലിമിറ്റഡ് കോള്, ദിവസേന 100 എസ്എംഎസ്. എന്നിവയും ലഭിക്കും. ജിയോ സാവന് പ്രോ, ജിയോ ടിവി, ജിയോ സിനിമ ഉള്പ്പടെയുള്ള വിവിധ ജിയോ ആപ്പുകളുടെ സബ്സ്ക്രിപ്ഷനും പ്ലാനിനൊപ്പം ലഭിക്കും.
789 രൂപയുടെ പ്ലാന്
മുമ്പ് പറഞ്ഞ പ്ലാനിന് സമാനമായ ആനുകൂല്യങ്ങള് തന്നെയാണ് ഈ റീച്ചാര്ജിലും ലഭിക്കുക. 84 ദിവസം വാലിഡിറ്റി, അണ്ലിമിറ്റഡ് കോളിങ്, ദിവസേന 100 എസ്എംഎസ് എന്നിവയെല്ലാം ഇതിലുണ്ടാവും. എന്നാല് ഈ പ്ലാനില് 168 ജിബി അതിവേഗ ഡാറ്റ ലഭിക്കും അതായത്. ഉപഭോക്താവിന് പ്രതിദിനം 2 ജിബി ഡാറ്റ ഉപയോഗിക്കാം. ജിയോ ആപ്പുകളും ലഭിക്കും.
അതേസമയം ജിയോ സാവന് പ്രോ സബ്സ്ക്രിപ്ഷനോടുകൂടിയ മറ്റ് ചില പ്ലാനുകളും ജിയോ ഒരുക്കിയിട്ടുണ്ട്. അണ്ലിമിറ്റഡ് ഡാറ്റ, 5ജി ലഭ്യത, ദിവസേന 100 എസ്എംഎസുകള് എന്നിവയും താഴെ പറയുന്ന പ്ലാനുകള്ക്കൊപ്പം ലഭിക്കും.
- 269 രൂപ- 28 ദിവസം വാലിഡിറ്റിയുള്ള പ്ലാനില് 1.5 ജിബി പ്രതിദിന ഡാറ്റയുണ്ടാവും
- 529 രൂപ – ഈ പ്ലാനില് 56 ദിവസം വാലിഡിറ്റിയുണ്ടാവും. 1.5 ജിബി ആണ് പ്രതിദിന ഡാറ്റ
- 589 രൂപ – 56 ദിവസം വാലിഡിറ്റിയില് ദിവസേന 2 ജിബി ഡാറ്റ ഇതില് ലഭിക്കും.