ഇന്റിമേറ്റ് രംഗങ്ങൾ കഥാപാത്രത്തിന്റെ പൂർണതയ്ക്ക് വേണ്ടി,വാട്സ് ആപ്പ് പോലും ഉപയോഗിയ്ക്കുന്നില്ല: രജിഷ വിജയൻ
കൊച്ചി:അനുരാഗ കരിക്കിൻവെള്ളം എന്ന സൂപ്പർഹിറ്റ് സിനിമയിലൂട നായികയായി അരങ്ങേറി പിന്നീട് മലയാളികളുടെ പ്രിയപ്പെട്ട നടിയായി മാറിയ താര സുന്ദരിയാണ് രജിഷ വിജയൻ. ഇപ്പോഴിതാ സിനിമയിലെ ഇന്റിമേറ്റ് രംഗങ്ങളിൽ അഭിനയിക്കുന്നതിനെ കുറിച്ച് പറഞ്ഞ രജിഷയുടെ വാക്കുകൾ ശ്രദ്ധനേടുകയാണ്. സിനിമയുടെ പൂർണ്ണതയ്ക്ക് വേണ്ടി അത്തരത്തിലുള്ള സീനുകളിൽ അഭിനയിക്കേണ്ടി വരുമെന്ന് താരം പറയുന്നു.
‘സിനിമയിൽ ഇന്റിമേറ്റ് രംഗങ്ങൾ സോഷ്യൽ മീഡിയയിൽ ആഘോഷിക്കുന്നതിനെ കുറിച്ച് ഒന്നും പറയാനില്ല. സിനിമയിലെ കഥാപാത്രത്തിന്റെ പൂർണ്ണതയ്ക്ക് വേണ്ടി അങ്ങനെ ചെയ്യേണ്ടി വരും. അത്തരത്തിലുള്ള സോഷ്യൽ മീഡിയ ആഘോഷങ്ങളൊന്നും കാണാൻ ആഗ്രഹമില്ല. അതൊന്നും എന്നിലെ നടിയെ ഒട്ടും ബാധിക്കുന്ന കാര്യവുമല്ല. സമൂഹമാദ്ധ്യമങ്ങൾ നമ്മുടെ നല്ല നേരങ്ങൾ അപഹരിച്ചെടുക്കും.
അതുകൊണ്ട് തന്നെ താൻ സോഷ്യൽ മീഡിയയിൽ ഒട്ടും ആക്ടീവ് അല്ല. വാട്‌സ്ആപ്പ് ഇല്ലാത്ത മൊബൈൽ ഫോണാണ് ഉപയോഗിക്കുന്നത്. യഥാർത്ഥത്തിൽ അത് താൻ ഒരുപാട് അസ്വദിക്കാറുമുണ്ട്. ഈ ഡിജിറ്റൽ ലോകത്ത് ജീവിപ്പുമ്പോൾ യാഥാർത്ഥ്യവുമായുള്ള ബന്ധം നഷ്ടമാകുമെന്ന് എനിക്ക് ഭയമുണ്ട്. ഈ ലോകം തീർത്തും വ്യത്യസ്തമാണ്. ഒട്ടും അർത്ഥമില്ലാത്ത ഒരു ഡിജിറ്റൽ ലോകമായി ഇത് മാറി.
നമുക്ക് ഒരുപാട് നല്ല കാര്യങ്ങൾ ചെയ്യാനുള്ള വിലയേറിയ സമയമാണ് നഷ്ടമാവുന്നത്. നല്ല നിമിഷങ്ങൾക്കായി മാറ്റി വെക്കേണ്ട ജീവിതത്തിലെ നേരങ്ങൾ അത് അപഹരിച്ചെടുക്കും. അതുകൊണ്ടാണ് ഞാൻ സോഷ്യൽ മീഡിയയിൽ ഒട്ടും ആക്റ്റീവ് അല്ലാത്തത്. ഡിജിറ്റൽ ലോകത്ത് നിന്ന് മാറി നിൽക്കാൻ ഞാൻ ആഗ്രഹിക്കുന്നു. ഇതു വരെ അതിന്റെ പേരിൽ എനിക്കൊരു പ്രശ്‌നവുമുണ്ടായിട്ടില്ല’- രജിഷ വിജയൻ പറഞ്ഞു.
