കോഴിക്കോട്: അനധികൃത സ്വത്ത് സമ്പാദനക്കേസില് മുസ്ലിം ലീഗ് നേതാവ് കെ.എം ഷാജിയെ വിജിലന്സ് ചോദ്യം ചെയ്യും. റെയ്ഡ് നടന്ന് മൂന്ന് ദിവസങ്ങള് കഴിഞ്ഞിട്ടും പിടിച്ചെടുത്ത പണത്തിന്റെ രേഖകള് സമര്പ്പിക്കാതിരുന്നതിനെ തുടര്ന്നാണ് വീണ്ടും കെ.എം ഷാജിയെ ചോദ്യം ചെയ്യാന് വിജിലന്സ് ഒരുങ്ങുന്നത്. അതേസമയം, റെയ്ഡ് റിപ്പോര്ട്ട് വിജിലന്സ് കോടതിയില് സമര്പ്പിച്ചു.
റെയ്ഡ് കഴിഞ്ഞയുടന് ഷാജി പറഞ്ഞത്, പണത്തിന്റെ രേഖകള് കയ്യിലുണ്ടെന്നാണ്. എന്നാല്, രേഖകള് കയ്യിലുണ്ടെങ്കില് എന്തുകൊണ്ട് മൂന്ന് ദിവസം കഴിഞ്ഞിട്ടും അത് ഹാജരാക്കിയില്ല എന്ന് വിജിലന്സ് ചോദിക്കുന്നു. ചോദ്യം ചെയ്യാനുള്ള നോട്ടീസ് നല്കാന് പോലും അദ്ദേഹത്തെ കണ്ടുകിട്ടുന്നില്ല എന്നും വിജിലന്സ് പറയുന്നു.
കെ.എം ഷാജിയുടെ വീട്ടില് നടത്തിയ പരിശോധനയില് സാമ്പത്തിക ഭൂമി ഇടപാടുമായി ബന്ധപ്പെട്ട 72 രേഖകള് പിടിച്ചെടുത്തിരുന്നു. 50 ലക്ഷം രൂപയും 400 ഗ്രാം സ്വര്ണവും പിടിച്ചെടുത്തു. കോഴിക്കോട്ടെ വെള്ളിമാടുകുന്നിലെ വീട്ടിലും കണ്ണൂര് അഴീക്കോട്ടെ വീട്ടിലും സമാന്തരമായാണ് പരിശോധന നടത്തിയത്. പ്ലസ് ടു കോഴക്കേസുമായി ബന്ധപ്പെട്ട് അനധികൃത സ്വത്ത് സമ്പാദന കേസിലായിരുന്നു പരിശോധന. കെഎം ഷാജിയുടെ വീട്ടില് വിജിലന്സ് നടത്തിയ പരിശോധനയില് 50 ലക്ഷം രൂപ കണ്ടെത്തിയിരുന്നു.
കോഴിക്കോട്ടെ വെള്ളിമാടുകുന്നിലെ വീട്ടിലും കണ്ണൂര് അഴീക്കോട്ടെ വീട്ടിലും സമാന്തരമായാണ് പരിശോധന നടത്തിയത്. അനധികൃത സ്വത്ത് സമ്പാദന കേസിലായിരിന്നു പരിശോധന. പ്ലസ് ടു കോഴക്കേസുമായി ബന്ധപ്പെട്ടാണ് പരിശോധന നടത്തിയത്.