ഇടുക്കി: ഇടുക്കി എഞ്ചിനീയറിംഗ് കോളജിൽ തെരഞ്ഞെടുപ്പിനിടെ ഉണ്ടായ സംഘർഷത്തിൽ കുത്തേറ്റ വിദ്യാർത്ഥി മരിച്ചു. കണ്ണൂർ സ്വദേശിയും എസ്എഫ്ഐ പ്രവർത്തകനുമായ ധീരജാണ് മരിച്ചത്. കുത്തിയവർ ഓടിരക്ഷപ്പെട്ടു. മൃതദേഹം ഇടുക്കി ജില്ലാ ആശുപത്രിയിലേക്ക് മാറ്റി. മറ്റൊരാള്ക്കും കുത്തേറ്റിരുന്നു. പിന്നില് കെഎസ്യു-യൂത്ത് കോൺഗ്രസ് പ്രവർത്തകരാണെന്ന് എസ്എഫ്ഐ ആരോപിക്കുന്നു.
ഇടുക്കി എഞ്ചിനീയറിംഗ് കോളജിൽ തെരഞ്ഞെടുപ്പ് നടക്കുന്നതിനിടെയാണ് എസ്എഫ്ഐ-കെ എസ് യു പ്രവര്ത്തകര് തമ്മില് സംഘര്ഷം ഉണ്ടായത്. ഇതിനിടെ പുറത്ത് നിന്നെത്തിയ യൂത്ത് കോൺഗ്രസ് പ്രവർത്തകരാണ് വിദ്യാര്ത്ഥികളെ കുത്തിയത് എന്നാണ് എസ്എഫ്ഐ പ്രവര്ത്തകര് ആരോപിക്കുന്നത്. രണ്ട് വിദ്യാര്ത്ഥികള്ക്കാണ് കുത്തേറ്റത്. ധീരജ് സംഭവ സ്ഥാനത്ത് വെച്ചു തന്നെ മരിച്ചു.
എസ് എഫ് ഐ പ്രവർത്തകന്റെ
കൊലപാതകത്തിന്റെ
പിന്നിൽ വൻ ഗൂഢാലോചനയുണ്ടെന്ന് എം.എം മണി എം.എൽ.എ പറഞ്ഞു.ആസൂത്രിത കൊലപാതകമായിത്. കോൺഗ്രസിലെ ക്രിമിനൽ സംഘമാണ്
കൊലപാതകത്തിന് പിന്നിലെന്നും എം.എം മണി പറഞ്ഞു.
എഞ്ചിനീയറിങ്ങ് കോളജിൽ
എസ്.എഫ്.ഐ പ്രവർത്തകൻ്റെ കൊലപാതകം ആസൂത്രിതമാണെന്ന് മന്ത്രി റോഷി അഗസ്റ്റിൻ.
ഒരു സംഘർഷവുമില്ലാതെയുള്ള ഏകപക്ഷീയമായ ആക്രമണമാണിത്. അങ്ങേയറ്റം ദൗർഭാഗ്യകരമായ സംഭവമാണെന്നും മന്ത്രി പറഞ്ഞു
.