പൗരത്വ ഭേദഗതി ബില് പിന്വലിക്കുക, എന്.ആര്.സി ഉപേക്ഷിക്കുക, തുടങ്ങിയ ആവശ്യങ്ങളുന്നയിച്ച് 17.12.2019 തീയ്യതി രാവിലെ 6 മുതല് വൈകുന്നേരം 6 മണിവരെ ഹര്ത്താലിന് ആഹ്വാനം ചെയ്തുകൊണ്ടുള്ള സന്ദേശങ്ങള് സാമൂഹ്യമാധ്യമങ്ങള് , ചില പ്രതിമാധ്യമങ്ങളില് കൂടി വ്യാപമായി പ്രചരിക്കുന്നതായും ഇത്തരം പ്രചാരണങ്ങള് വ്യാജമാണെന്നും കാസര്ഗോഡ് പോലീസ് മേധാവിയുടെ ഫേസ്ബുക്ക് പോസ്റ്റ്.ഹര്ത്താല് നടത്താന് ഉദ്ദേശിക്കുന്ന സംഘടന 7 ദിവസം മുമ്പ് നോട്ടിസ് നല്കണമെന്ന് 07.01.2019 തീയ്യതിയിലെ ബഹു. ഹൈക്കോടതിയുടെ ഉത്തരവ് നിലവിലുണ്ട്.
നിലവില് യാതൊരു സംഘടനയും ഔദ്യോഗികമായി ഹര്ത്താലിന് ആഹ്വാനം ചെയ്ത് നോട്ടിസ് നല്കിയതായി കാണുന്നില്ല. ആയതിനാല് മേല് ഹര്ത്താല് പ്രഖ്യാപനം നിയമവിരുദ്ധമാണ് എന്നും പോലീസ് വ്യക്തമാക്കുന്നു. പോലീസിന്റെ പ്രസ്താവന ഇങ്ങനെ, പൗരത്വ ഭേദഗതി ബില് പിന്വലിക്കുക, എന്.ആര്.സി ഉപേക്ഷിക്കുക, തുടങ്ങിയ ആവശ്യങ്ങളുന്നയിച്ച് 17.12.2019 തീയ്യതി രാവിലെ 6 മുതല് വൈകുന്നേരം 6 മണിവരെ ഹര്ത്താലിന് ആഹ്വാനം ചെയ്തുകൊണ്ടുള്ള സന്ദേശങ്ങള് സാമൂഹ്യമാധ്യമങ്ങള് , ചില പ്രതിമാധ്യമങ്ങളില് കൂടി വ്യാപമായി പ്രചരിക്കുന്നുണ്ട്.
എസ്.ഡി.പി.ഐ, വെല്ഫെയര് പാര്ട്ടി, ബി.എസ്.പി, കേരള മുസ്ലിം യുവജന ഫെഡറേഷന്, സോളിഡാരിറ്റി, എസ്.ഐ.ഓ, ജനകീയ മനുഷ്യാവകാശ പ്രസ്ഥാനം, പോരാട്ടം, ഡി.എച്ച്.ആര്.എം, ജമാ – അത്ത് കൗണ്സില്, സമസ്ത കേരള ജംഇയ്യത്തുല് ഉലമ തുടങ്ങിയ പ്രസ്ഥാനങ്ങളുടെ സംയുക്ത യോഗതീരുമാനമാണെന്നുള്ള രീതിയിലാണ് സന്ദേശം പ്രചരിപ്പിക്കുന്നത്. ഹര്ത്താല് നടത്താന് ഉദ്ദേശിക്കുന്ന സംഘടന 7 ദിവസം മുമ്പ് നോട്ടിസ് നല്കണമെന്ന് 07.01.2019 തീയ്യതിയിലെ ബഹു. ഹൈക്കോടതിയുടെ ഉത്തരവ് നിലവിലുണ്ട്.
നിലവില് യാതൊരു സംഘടനയും ഔദ്യോഗികമായി ഹര്ത്താലിന് ആഹ്വാനം ചെയ്ത് നോട്ടിസ് നല്കിയതായി കാണുന്നില്ല. ആയതിനാല് മേല് ഹര്ത്താല് പ്രഖ്യാപനം നിയമവിരുദ്ധമാണ്. മേല് ദിവസം കാസറഗോഡ് ജില്ലയില് ഹര്ത്താല് നടത്തുകയോ , അനുകൂലിക്കുകയോ ചെയ്താല് ആയതിന്റെ എല്ലാ കഷ്ടനഷ്ടങ്ങള്ക്കും ഉത്തരവാദിത്വം പ്രസ്തുത സംഘനകളുടെ ജില്ലാ നേതാക്കള്ക്കായിരിക്കുമെന്നും അവരുടെ പേരില് നിയമനടപടികള് സ്വീകരിക്കുമെന്നും ഇതിനാല് അറിയിക്കുന്നു.
കൂടാതെ 17 / 12 / 2019 തീയ്യതി സംസ്ഥാന വ്യാപകമായി നഗരസഭ / പഞ്ചായത്ത് ഉപതെരഞ്ഞെടുപ്പ് നടക്കുന്നുണ്ട്. ഈ സാഹചര്യത്തില് പൊതുജനങ്ങള്ക്ക് വോട്ടാവകാശം വിനിയോഗിക്കുന്നതിനും മറ്റും ഇത്തരം പ്രചാരണം തടസ്സം സൃഷ്ടിക്കാന് സാധ്യതയുണ്ട്. ആയതിനാല് ഇലക്ഷനുമായി ബന്ധപ്പെട്ട കുറ്റകൃത്യങ്ങള്ക്കും കൂടി പ്രസ്തുത നേതാക്കള് ഉത്തരവാദികള് ആയിരിക്കുന്നതാണ്.
ജില്ലാ പോലിസ് മേധാവി
കാസര്ഗോഡ്